Mark 14:61 - Syin Chin Bible

⁶¹ Jesus huthe ngawlin om a, kam khat zongh a pau bua hi. Tuaciangin Thiampi Lianbelpa in, khatvei ma, “Nang Thupha toai Pathian Tapa Messiah na hi ziam,” ci hi.

Mark 14:61 Iomraidhean Croise

Psalm Late 119:12

Nang kong pok hi, Topa awng; nangma paiziate hong hil ta'n.

Psalm Late 2:7

Kumpipa in “Topa thu khensatna son tu khi hi,” ci hi. Ama in kei tungah hi bangin hong ci hi, “Nang sia ka tapa na hi hi, tuni in na pa ka suak zo hi.”

Psalm Late 39:9

Thim takin ka om tu a, kam khat zongh ka huthe buatu hi, banghang ziam cile hi bang a, hong thuaksak sia nangma na hi hi.

Isaiah 53:7

“Ama sia nasia tak kivawtsia a, ahihang kiniamkhiakna taw thuak hi; kam khat zongh huthe ngeingawl hi. Ngaw tu bekin a om tuuno khat bang le a mul meet tu bekin a kikoi tuu khat bangin, ama in kam khat beak pau ngawl hi.

Matthew 16:16

Simon Peter in zo a, “Nang sia Messiah, a nungta Pathian Tapa na hi hi,” ci hi.

Matthew 3:17

Tuaciang van panin aw khat in, “Hisia in ka it ka Tapa hi a, ama tungah ka lungkim hi,” ci hi.

Matthew 8:29

Thakhatin amate cik-au uh a, “Nang Pathian Tapa awng, ko bang hong law nuam ni ziam? A hun hong thet ma in, daan pia tu in hong pai ni ziam?” ci uh hi.

Mark 14:60

Thiampi Lianbelpa amate theampo ii mai ah ding a, Jesus thu dongh hi. “Hong mawsaknate na zo kik natu nei ngawl ni ziam?” ci hi.

Mark 15:2

Pilate in, “Nang, Jew te ii kumpipa na hi ziam?” ci in dongh hi. Jesus in, “Nangma ci bang ahi hi,” ci in zo hi.

John 1:34

Tuasia mu zo khi hi, tuaciangin ama sia Pathian Tapa hi ci in hong son khi hi,” John in ci hi.

John 10:24

mihingte a kiim ah hong kikhawm uh a, amate in, “Bang tanvei thinngim hong pia tu ni ziam? Thumaan tatak sia hong son tan: nangma sia Messiah na hi ziam,” ci uh hi.

John 10:36

Kei ka hile Pa in hong teal a, leitung ah hong paisak hi. Tua ahile, Pathian Tapa khi hi ka ci ciang, bangbangin Pathian zawnsakna kam pau hi hong ci thei nu ziam?

John 18:37

Pilate in, “Tua ahile kumpipa khat na hi ziam?” ci in dongh hi. Jesus in, “Kumpipa hong ci sia nangma na hi hi. Hi leitung ah suak a, thumaan thutak sia ii thu son tu tupna khat taw in kong pai hi. Thumaan thutak ii neisa ahite peuma in kei thu hong ngai hi,” ci in zo hi.

John 19:7

Mihon in zo kik a, “Ama in Pathian Tapa ka hi ci ahikom thidaan piak tu in kilawm hi a ci thukham khat nei khu hi,” ci uh hi.

John 19:9

Ama kumpi inn sungah tum kik a, Jesus munah, “Nang koisung pan hong pai ni ziam,” ci in dongh hi. Ahihang Jesus in zo ngawl hi.

Sawltakte 8:32

A sim laithiangtho mun sia hi bang ahi hi: “Ama in ngawlup tu in a kikai tuu khat taw kibang hi, ama in a mul a kimeetsak ciangin, a haam ngawl tuuno taw kibang hi. Kam khat zongh a pau bua hi.

1 Timothy 1:11

Tuabang hilcianna sia ka thansak tu in hong ki aap lungdamna thu sungah kimu a, tua Lungdamna Thupha sia a minthang thupha toai Pathian kung pan hong pai ahi hi.

1 Timothy 6:15

Kumpite ii Kumpi, topa te ii Topa, thupha sang Ukpa khat bek ahi Pathian in a hun a tun ciangin ama hong kilanghsak tu hi.

1 Peter 2:23

Ama a kilan ciangin selnona kam taw thuk ngawl hi; ngimna a thuak ciang kuama tawng ngawl a thutang thukhenpa Pathian tungah a lametna koi zaw hi.