Mark 14:6 - Syin Chin Bible

⁶ Ahihang Jesus in, “Ama koi po vun! Note in ama sia bang nuam maw nu ziam? Ama in kei atu in, nasep pha khat a seam hi.

Mark 14:6 Iomraidhean Croise

Isaiah 54:17

Ahihang ngalhiam khat zongh in nang bangma hong law zo ngawl tu hi; nang hong mawsiatte theampo na zo kik natu na he tu hi. Ka naseamte ka panpui tu a, zawna ka pia tu hi,” ci hi. Topa in ci zo hi.

Matthew 26:10

Jesus in amate thusonnate za ahikom amate munah, “Banghangin hi sia nu thinnuam maw se nu ziam? Ama in kei atu in nasep pha nasep hoi khat hong seam ahi hi.

Mark 14:5

Ngunn dangka zathum sangin a tamzaw kikhawng thei tu a, mizawngte kipia thei tu hi,” ci in, nasia takin numei nu ngamtatna mawpusak uh hi.

Mark 14:7

Mizawngte note taw hong omkhawm tawntung tu a, na hu nop uh simin na hu thei tu uh hi. Ahihang kei note taw hong omkhawm tawntung ngawl tu khi hi.

Sawltakte 9:36

Joppa khua ah Tabitha kici numei khat om a, ama sia thu um khat ahi hi. (Ama ii Greek min sia Dorcas hi a, “sangai khat” cinopna hi) Ama in a hun nei theampo thupha vawtna le, a zawngte huna in zangh hi.

2 Corinth te 10:18

Banghang ziam cile mihing khat sia, ama le ama pha a kisak ciang hi ngawlin, a phat takpi hunlam a kimu ciangin tua pa sia Topa in pha hi ci in a ngaisun hi.

2 Corinth te 9:8

Tuaciang noma atu in na kitaangsap theampo na nei tawntung natu le, thupha vawt natu theampo ah a kicing za sangin a tamzaw na nei natu in, Pathian in na kitaangsap za sangin a tamzaw hong pia thei hi.

Ephesus te 2:10

Eite in tu a ih hi babangin, Pathian hong vawtsa ih hi a, Jesus Christ taw kipumkhatna sungah ngamtat pha nuntakna nei natu in, hong bitphua sa ih hi hi, tua thu in eite sep tu in, hong koi kholsak sa ahi hi.

Colossae te 1:10

Tuaciang Topa deina bangin na nungta thei tu uh a, ama ii diksak bangin na vawt tawntung tu uh hi. Na nuntakna in nasep pha theampo piangsak tu a, Pathian heakna sungah na khangto tu uh hi.

2 Thessalonica te 2:17

a tawntungin a pha sep natu le pau natu hong hanthawn in hong thahat sak tahen.

1 Timothy 5:10

tuaciangin ngamtat pha nei hi ci in a kisonte: a tate pha takin a khangtosakte, a inn ah zin pha takin a dote, Tapidaw puite tungah a kiniamkhiakte, a ngim nga mi a hute, na pha seam tu in a kipumpiakte a hi tu kisam lai hi.

1 Timothy 6:18

Nasep pha te hau a, a pha ngamtatna nei in, a sep natu, ngo takin midangte na a hop nop natu hil in.

2 Timothy 2:21

Khat po in a siate theampo panin, a kithiangsak le ama sia tupna theampo ah kizangh tu hi, banghang ziam cile ama sia a Topa atu in a kipia a taktaipa hi a, na pha sep natu sung theampo ah a kizangh tu in kinging khol hi.

2 Timothy 3:17

Tua ahikom, Pathian na a seamte in naphate theampo a vawt natu in, kicinna a cingin a nei thei natu ahi hi.

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Titus 2:7

Na theampo ah ngamtat phatna taw kisai in nangma mama a ettee taak na hi kul tu hi. Na hilna sungah deisak takpina le thupi laakna taw hil in.

Titus 3:14

A kitaangsamh tatak teng a piak thei natu in mihingte in a hun uh sia thupha vawtna in a zak thei natu a sin uh kul tu hi; amate in a nuntak nate man nei ngawlin zangh heak hen.

Titus 3:8

Hisia in a maan thu sonna ahi hi. Pathian umte in mihing khat sim atu thinbot thei a, a manphate sep natu in a hun uh a piak thei natu in hi thute na thupi laak tuam tu in ka dei hi.

Hebrew te 10:24

Khat le khat kithinbot tawng, ki itna kilak in a pha ngamtat natu kihu tek tawng.

1 Peter 2:12

Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.