Mark 14:54 - Syin Chin Bible

⁵⁴ Peter in a khuala thithimna panin Thiampi Lianbelpa ii leitual dong zui hi. Tua munah ngalkapte taw meilum oai in to hi.

Mark 14:54 Iomraidhean Croise

1 Kumpite 19:13

Elijah in tua a zaak ciang a maitang a puantual taw sealin pusuak a suanghawngkua mai ah ding hi. Aw khat in ama tungah, “Elijah, hi sungah bang hi ni ziam?” ci hi.

1 Kumpite 19:9

Tua munah zan ngiak tu in suanghawng khat ii sungah tum hi. Thakhat thu in Topa in, “Elijah, hi sungah bang vawt ni ziam?” ci hi.

Matthew 26:3

Tuaciang, Thiampi Lianbelpa Caiaphas teenna inn ah thiampi liante le upate kisitua uh a,

Matthew 26:58

Peter in a khuala thithim na panin Thiampi Lianbelpa leitual dong zui hi. Ama sia leitual ah ngalkapte taw tokhawm in bangbangin thu hong piang ziam ci in encik hi.

Mark 14:38

A nungzuite tungah, “Na ngak vun a, ze etna sungah na puk ngawl natu in, thungen vun. Thinsung in uukna nei ahihang pumpi sia thazawm hi,” ci hi.

Mark 14:66

Thiampi Lianbelpa ii naseam numei khat hong pai laitakin, Peter leitual ah om lai hi.

Luke 22:44

Thinngimna lianpi taw nasia seseam in thungen hi; a khua ulsa chimal bangin lei ah taak hi.

Luke 22:54

Amate in Jesus man a Thiampi Lianbelpa inn ah paipui hi; tuaciang a nungsang a khuala thithimna pan Peter in zui hi.

John 18:18

Khuasik ahikom silate le biakinn cingte in meihol thut in, a kiim ah mei oai in ding uh hi. Tua ahikom Peter zongh pai in amate taw dingin mei oai khawm hi.

John 18:25

Peter tua mun ma ah mei oai in om lai hi. Tua ahikom a dangte in, “Nang zongh ziasia pa ii nungzui khat hi ngawl ni ziam?” ci uh hi. Ahihang Peter in nial hi. “Kei ka hi bua hi,” ama in ci hi.

1 Samuel 13:7

a dangte Jordan ngun kan in, Gad le Gilead te ngamsung zuan uh hi. Saul sia Gilgal ma ah om lai a, ama taw a om mite lau in liing uh hi.