Mark 14:26 - Syin Chin Bible

²⁶ Tua zawkciang amate lasa in Olive Mual ah pai uh hi.

Mark 14:26 Iomraidhean Croise

Matthew 21:1

Jesus le nungzuite in Jerusalem khua hong nai uh a, Olive Mual, Bethphage a kicina mun hong theng hi. Tua munah Jesus in, a nungzuite nii sawlin paikholsak a,

Matthew 26:30

Tua zawkciang amate lasa in, Olive Mual zuanin pai uh hi.

Mark 14:25

A maan takin ka ci ciang, Pathian Ngam sungah sapittui thak ka dawn mateng, hi sapittui thak ka dawn nawn buatu hi,” Jesus in ci hi.

Luke 22:39

Jesus in khuapi nusia in, a tawntung a pai ngei bangma in, Olive Mual ah pai a, nungzuite zongh ama taw pai hi.

John 18:1

Jesus in hi thungetna teng a nget zawkciang a nungzuite taw Kidron luam a kici sia kaantan in pai hi. Tua munah huan khat om hi. Jesus le a nungzuite huan sungah tum uh hi.

Sawltakte 16:25

Zankim hun ciangin, Paul le Silas in Pathian tungah thungen in, biakna late sa in om a, thongtaak dangte in ngai uh hi.

1 Corinth te 14:15

Tua ahile bangbangin ngamta tu khi ziam? Ka thaa taw thu ka ngen tu hi, ahizong ka ngaisutna taw zong thu ka ngen tu hi; ka thaa taw la ka sa tu hi, ahihang ka ngaisutna taw zong lasa tu khi hi.

Colossae te 3:16

A kicing Christ ii thu na thinsung uh ah hong teang tahen. Khat le khat ciimna theampo taw kihil kilak tavun. Psalm late, pokna late le la thiangtho te na thinsung uh ah lungdamkona in Pathian tungah na sa vun.

James 5:13

A ngim nga khat po no sungah na om uh ziam? Thungen tahen. A lungdam khat po na om uh ziam? Ama in pokna late sa tahen.

Thupualaakna 5:9

Amate in la thak sa uh a: “Nangma in laizial la tu le tepteena hong tu in na kilawm hi. Banghang ziam cile nangma hong kithatlum zo a, na kipumpiak thina taw, Pathian atu in, bee le phung sim, kam namcin sim, ngam sim le minam sim panin, mihingte na lei zo hi.