Mark 14:16 - Syin Chin Bible

¹⁶ Nungzuite zongh pai in, khuapi sung a thet uh ciang na theampo Jesus ii sonsa bang tatak ma in a om mu uh hi. Tua munah Paisan poai an tu vawt uh hi.

Mark 14:16 Iomraidhean Croise

Ezekiel 12:7

Topa ii vawt a hong sawl teng ka vawt hi. Tua ni in ngaltai tu khat bangin ka vanhte ka heang hi. Tua nitak khuazin ciang, ka khut taw pang hawng khat ka vut a, ka pusuak hi. Mihing theampo mu tangin ka liangko ah ka vanh kisuanhin ka ding hi.

Mark 14:15

Tuasia ciangin ama in inndawl tungnung ah doituam lian khat hong lak tu a, an lui natu le to natu kipua kholsa in om tu hi. Tua munah a kul teng, ei atu in a kipua kholsa in om tu hi,” ci hi.

Mark 14:17

A nitak ciangin Jesus a nungzui sawm le niite taw hong pai hi.

Luke 22:13

Amate a pai uh ciangin, na theampo Jesus ii son bang tatak ma in a om mu a, Paisan Poai an tu vawtkhol uh hi.

Luke 22:35

Tua zawkciang Jesu in nungzuite munah, “Sumbawm, thung le peang dapte, ngawl taw kong paisak hunlai in, kitaangsapna na nei ngei uh ziam?” ci in dongh hi. “Bangma kitaangsap nei ngei bua ung,” ci hi.

John 16:4

Ahihang hi bang kong sonna in, amate atu in hite a sep tu hun hong thet ciang kong sonsa teng na phaw thei natu uh ahi hi. “A kipatciil in hite kong son bua hi, banghang ziam cile keima in note taw ka omkhawm hi.