Mark 13:9 - Syin Chin Bible

⁹ “Noma le noma na kikeam vun. No sia hong kiman tu a, zum mai ah hong kithen tu hi. Synagogue te ah hong kivel tu hi, Lungdamna Thupha son tu le, keima hu in ngamukte le kumpite mai ah note na ding tu uh hi.

Mark 13:9 Iomraidhean Croise

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Mark 1:44

“En in, hi thu kuama munah son heak in. Pai vingveng ta'n a, thiampipa in vealsak ta'n; na thianthona mihing theampo tungah a kilangh natu in, Moses sawl bangin, sangaw biakpiakna vawt ta'n,” ci hi.

Mark 13:5

Jesus in, “Kidawm vun a, kuama in theamsak heak vun.

Mark 13:8

Ngam khat le ngam khat hong kisim tu a; kumpi khat le kumpi khat hong kido tu hi. Mun theampo ah zinliing tu hi, tuaciangin kialpi tung tu hi. Hite sia nausuak tu a tut kipat bang ahi hi.

Mark 6:11

Khua khat po ah no hong kisaang bua a, hong ngai nuam bua ahile, nusia vun a, na peang tung leivuite na thin tavun. Tuate amate kidop natu thupiakna ahi hi,” ci thua hi.

Luke 9:5

no hong kisaang ngawlna mun khuate peuma nusia vun a, a kidop thei natu in na peang leivuite na thin tavun,” ci hi.

John 15:20

Kong sonsa thu phawk tavun: ‘Silapa in a topa sangin lianzaw ngawl hi.’ Amate in kei hong vawtsia le no zongh hong vawtsia tu hi; amate in ka hilna a mang uh le no hilna zongh zui tu hi.

John 16:2

Note synagogue pan hong kihawlkhia tu a, tuaciang note hong thatlum khat po in tuabang a ngamtat sia Pathian atu naseam in a kingaisut hun hong theng tu hi.

Sawltakte 21:11

Ama ko kungah hong pai a, Paul kawngkhau la in, ama le ama a khut a peang kisawm a, “Thaa Thiangtho cina pan: Hi kawngkhau a neipa sia Jerusalem ah hi bang danin Jew te in khaukhii tu a, Gentile te khut sungah aap tu hi,” ci hi.

Sawltakte 7:54

Council sung a kihelte in, Stephen thuson a ngai uh ciangin, amate in thin uukna taw a ha ngoai san uh hi.

Sawltakte 9:16

Tuaciang keima mama in kei ii hu a, a thuak tu theampo zongh ka lak tu hi,” ci hi.

Philippi te 1:29

Ama um bek ngawlin, ama hang a ngimna na thuakna uh taw, Christ atu nasep thei natu in hamphatna nga na hi uh hang hi.

2 Thessalonica te 1:5

Tu a na thuakna teng in Pathian thukhen na sia thumaan a hina kilanghsak hi, tua in noma ii na ngimlaw uh ama Kumpi Ngam taw a kilawm hong suaksak tu hi,

2 John 1:8

Tua ahiciang ih sepna sa teng atu taan ngawlin na thaman a cingin na nga natu in kikeam tavun.

Thupualaakna 1:9

Keima in na suapuipa John ka hi a, tuaciang Jesus nungzui khat ka hina taw Pathian ngam lua tute ii thuak tu vawtsiatna noma taw a kibangin a thuak kenkon na seppuipa ka hi hi. Kei sia Patmos tuikulh tungah hong kikoi hi, banghang ziam cile, Pathian kammal le Jesus ii hong pualaak thumaan thutak ka thansak hang ahi hi.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.

Thupualaakna 2:13

Satan ii kumpi tokhum a ngakna munah na teen uh kong he hi. A thumaan ka tetti Antipas sia Satan teenna tua munah a kithalup hun dongin, na upna uh na thasua bua uh a, kei tungah nong thumaan uh hi.