Mark 13:11 - Syin Chin Bible

¹¹ Tuaciang no hong kiman a, zum mai ah hong kipaipui ciangin, na pau natu uhte thinngim khol heak vun; a hun hong thet ciangin, hong kihil babangin, na pau tu uh hi. Banghang ziam cile na kammal zak tu te sia no ii pau ahi buatu hi; Thaa Thiangtho kung panin hong pai hi tu hi.

Mark 13:11 Iomraidhean Croise

2 Samuel 23:2

Topa ii thaa in kei tungtawnin pau hi; ama ii thu puak sia ka muk tungah om hi.

Isaiah 50:4

Vaanglianpipa Topa in a ngim a toite ka thahatsak thei natu in ka pau tute hong hil zo hi. Ama ii hong hil tute ka ngai thei natu in zing simin ama in kei hong thalawpsak hi.

Matthew 10:17

Kidawm tavun, banghang ziam cile mihingte in hong man tu a, zum ah hong then in, synagogue te ah hong vel tu hi.

Mark 13:12

Mihingte in a suapuite thalup tu in aap tu uh hi, tuaciang, pate in a tate tuabang ma in vawt tu hi. Tate in nute pate langpan in, thatsak tu uh hi.

Mark 13:9

“Noma le noma na kikeam vun. No sia hong kiman tu a, zum mai ah hong kithen tu hi. Synagogue te ah hong kivel tu hi, Lungdamna Thupha son tu le, keima hu in ngamukte le kumpite mai ah note na ding tu uh hi.

Luke 21:12

Ahizong, hi thute theampo a pian ma in, note hong kiman tu a, hong kivawtsia tu hi; synagogue te ah thu kisit tu in, hong ki aap tu a, tuaciang thong sungah hong kikhum tu hi; keima hu in no sia kumpite le ngamukte mai ah hong kithen tu hi.

John 3:27

John in, “Pathian in a pia buale kuama in, bangma nga thei ngawl hi.

Sawltakte 2:4

Amate sia Thaa Thiangtho taw kidim uh a, Thaa ii a pausak bangin, kampau dangte taw pau uh hi.

Sawltakte 3:13

Abraham, Isaac le Jacob te ii Pathian, ih taanghpupite ii Pathian in, a Naseampa Jesus sia Pathian piak minthanna pia hi. Noma in ama sia Jew lampuite tungah na aap uh hi. Pilate in ama suaktasak tu in, a khensat zawkciang zong, Pilate mai ah na nial uh hi.

Sawltakte 4:31

A thunget a man uh ciangin amate kikhopna mun sia kingawk hi. Amate sia Thaa Thiangtho taw kidim a, Pathian thu sia hanna taw son tu in kipan uh hi.

Sawltakte 6:10

Ahihang Thaa in Stephen sia tuabang ciimna pia ahikom ama a pau ciangin a nalh zo bua uh hi.

Sawltakte 6:15

Council sungah a to te theampo in, Stephen en tek uh a, a maitang sia vantunglalang maitang taw kibangin mu uh hi.

Sawltakte 7:55

Ahihang Stephen sia Thaa Thiangtho taw kidim a, vantung ento in, Pathian ii minthanna le Pathianziatsang ah a ding Jesus mu hi.

1 Corinth te 2:13

Tua ahikom, Thaa a neite tungah thaa taw kisai thumaan thutakte ka hil uh ciangin mihing ciimna ii hong hil kammalte ka pau bua uh a, Thaa ii hong hil kammalte ka pau uh hi.

Ephesus te 3:5

Hun bosa sungah tua thuku sia mihingte tungah kison ngawl a, ahizong tu in Pathian in a thiangtho sawltakte le a kamsaangte tungah Thaa taw lak zo hi.

James 1:5

Ahihang note khat po in, ciimna na nei buale, a pia tu pa Pathian tungah thu ngen tahen; banghang ziam cile Pathian in ngo tatak le thuthiam takin, a kuama theampo tungah pia hi.

1 Peter 1:12

Vantung panin Thaa Thiangtho ii vang taw a sawl, Lungdamna Thupha a thangsak, thupuakte tung pan tu in na zaak uh thute Pathian in hi kamsaangte tungah a pualaakna ah cileang, amate nasep sia in amate phattuam na tu in a seam hi ngawl a, noma atu in a seam hizaw hi. Hi thute sia vantunglalangte dong ii a tel nop uh thu ahi hi.