Mark 13:10 - Syin Chin Bible

¹⁰ Ahihang a tawpna hong thet ma in, lungdamna thu sia mihing theampo tungah kihil siat tu hi.

Mark 13:10 Iomraidhean Croise

Matthew 12:41

Thukhenna Ni ciangin Nineveh khua mite hong ding tu a, note hong mawsak tu hi, banghang ziam cile amate in Jonah thuhilna a zaak uh ciangin a mawna uh pan kisiik kik hi; a maan tak kong ci ciang in hi sungah Jonah sangin a lianzaw khat om hi.

Matthew 24:14

Tuaciangin, hi Kumpingam Lungdamna Thupha sia, leitung theampo ah tetti tu in minam theampo tungah kihil kawkoai tu hi; tua zawkciang hun bona hong theng tu hi.

Mark 16:15

Ama in, “Leitung mun theampo ah pai tavun a, mihing theampo tungah lungdamna thu hil tavun.

Romete 1:8

A masa phitbel in no tungtaang ah Jesus Christ tungtawnin Pathian tungah lungdam ka ko hi, banghang ziam cile leitung theampo in na upna thu uh hong za hi.

Romete 10:18

Tua ahile amate in a thu za ngawl hi tu ziam?, ci in kong dongh hi. Za hi — laithiangtho in hi bangin ci hi: “Leitung theampo ah amate ii aw theng hi; Amate ii kammal leimong dong theng hi.”

Romete 15:19

nalamdang lakna le a lamdang nate ii vaangletna le Pathian Thaa ii vaangletna taw hong seam zo hi. Tua ahiciang Jerusalem pan Illyricum ah khualhaw in ka paina ah Christ huvau Lungdamna Thupha a cingin ka thangsak zo hi.

Colossae te 1:23

A kho thu doppha tungah na thumaan tawntung vun a, lungdamna thu na zaak ciil uh lai a na nga uh lametna taw na kipeal nuam heak vun. Leitung mihing sim tungah a kihil hi lungdamna thu hu in keima Paul sia naseam khat suak ka hi hi.

Colossae te 1:6

Pathian ii thuthiamna na zaak phit ni uh pan kipan, no in a maan tatakin na heak uh bangma, tua lungdamna thu in, thuphate no tungah hong puapuak a, leitung theampo ah kizel hi.

Thupualaakna 14:6

Tuaciangin leitung mihingte, minam sim, bee le phung sim, paunam sim le ngam sim te ii tungah a kip tawntung Lungdamna Thupha son tu a nei vantunglalang dang khat a saangna vui sungah a leang ka mu hi.