Mark 12:7 - Syin Chin Bible

⁷ Ahihang tua lo saapte in, “Hisia pa lo neipa tapa hi. Hong pai tavun, that tawng, tua hile a neisate eima aa suak tu hi!’ ci uh hi.

Mark 12:7 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Pianciilna 37:20

Tu in hong pai tavun, ama thatin tuikhuk kang sa khat sungah a luang vawk tawng. Ngamsa khat in ama petlum hi, ih ci thei hi. Tuasia ciang a mangmatte bang a suak ziam ih en tu hi,” kici uh hi.

Isaiah 49:7

A kithusim ngawlhet pa, minamte ii etsat pa le ngamukte ii naseampa tungah Israel te ii a thiangtho Pathian le ngumpa in hi bangin ci hi: “Kumpite in na suatak hong mu tu a, nang tungah zatakna lak tu in hong din tu uh hi; kumpi tate zonghin hong mu tu uh a, nangma mai ah zatakna taw hong kun tu uh hi,” ci hi. hi thu piang nanak tu hi, banghang ziam cile Topa in a naseampa teal zo hi; Israel te ii a thiangtho Pathian in a kamciamnate keamcing hi.

Matthew 2:16

Nisuana sang pan hong pai mihing pilte in theam ahi hunlam Herod in a phaw ciangin a thin uuk mama hi. Bethlehem khua sung le a kiim a paam a om, kum nii le a nuaisia patangno theampo thalup tu in thupia hi. Mipilte ii aksi a mu hun taw tuatin tuabangin ngamta hi.

Matthew 21:34

Sapit nga law hun ciangin, ama tel tu teng a saang tu in, huanthote munah a silate paisak hi.

Mark 12:12

Jew lampuite in Jesus mat sawm uh hi, banghang ziam cile amate in hi thusonteena sia amate huvau a sonna hi ci in tel uh hi. Ahihang mipite kiita ahikom amate in paisan uh hi.

Mark 12:6

Tuabang a sawl thei tu a taanglai mihing sia a it a tapa bek ahi hi. A khakbel ciangin ama in a tapa lo saapte munah paisak hi, ‘Ka tapa hi buang ahiciang, thasia hamtang vak’ ci hi.

Mark 12:8

Tua ahiciang amate in lo neipa tapa manin thatlum uh a, a luang sapithuan pua sangah vawk hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Sawltakte 5:28

“Hisia pa min taw thu hilcian thei nawn ngawl tu nu hi, ci in nasia takin thu kong pia zo uh hi; ahihang tu in bang vawt kik nu ziam! Jerusalem khuathing ah, na thu hilcianna uh kizelsak zo a, ama thina thu kote maw hong pusak nuam nu hi!” ci hi.

Sawltakte 7:52

Na taanghpupite ii a vawtsiat ngawl kamsaang khat beak om ngei kana ziam? Khuangei pek panin, Pathian ii a thutang Naseampa hong pai natu a sonkhol, Pathian kamtaite na thatlum uh hi. Tu in, note in ama leeheak a, suamlum nu hi.

Hebrew te 1:2

ahihang hi hun khakbel hunte ah, a Tapa tungtawnin hong paupui hi. Ama tungtawnin Pathian in vaannuai bup bitphua a, a khakbel ciangin na theampo ama ii neisa suak tu in ama sia Pathian ii tealsa ahi hi.