Mark 12:6 - Syin Chin Bible

⁶ Tuabang a sawl thei tu a taanglai mihing sia a it a tapa bek ahi hi. A khakbel ciangin ama in a tapa lo saapte munah paisak hi, ‘Ka tapa hi buang ahiciang, thasia hamtang vak’ ci hi.

Mark 12:6 Iomraidhean Croise

Pianciilna 22:12

Vantunglalang in, “Patangpa sia liamsua heak in, ama bangma law heak in. Pathian thu na nitna le na zatakna, tu in ka he hi, banghang ziam cile tapa khat bek na nei kei atu in na haza bua hi,” ci hi.

Pianciilna 22:2

Pathian in, “Na it mama, tapa khat bek na nei Isaac sia Moriah ngam ah paipui in. Tualai kong lak tu mual khat tungah keima biakpiakna in ama nong pia tu hi,” ci hi.

Pianciilna 37:3

Jacob in a tapa dang teng sangin Joseph it zaw hi, banghang ziam cile a huai zawkciang a nei tapa ahi hi. Ama in puantual baansau khat Joseph atu in khuisak hi.

Pianciilna 44:20

Kote in, ‘Pa huai khat le a huai zawkciang a nei suapui naupa khat ka nei uh hi. Ama ii suapuipa thi a, nu khat tate sung pan ama bek nungta lai hi; a pa in ama it mama hi,’ kong ci uh hi.

Psalm Late 2:12

ama mai ah liinna taw kun vun; tua ahibuale ama thin uuk vat tu a, thakhat thu in na thi tu uh hi. Ama a bealte in a lungdamte ahi uh hi.

Psalm Late 2:7

Kumpipa in “Topa thu khensatna son tu khi hi,” ci hi. Ama in kei tungah hi bangin hong ci hi, “Nang sia ka tapa na hi hi, tuni in na pa ka suak zo hi.”

Isaiah 42:1

Topa in, “A tha ka hatsak ka naseampa sia hi sungah om hi — ama sia ka teal pa hi a, ka lungkim hi. Ka thaa taw ama ka dimh zo a, minam theampo tungah thumaanna puak tu hi.

Matthew 1:23

Ngaknu thiangtho khat naungil om tu a, tapa khat hing tu hi, a min Immanuel kiphuak tu hi.” (Tua in “Eite taw Pathian omkhawm hi,” a cinopna hi.)

Matthew 11:27

“Ka Pa in na theampo kei hong pia zo hi. Pa simngawl kuama in Tapa a tel zo bua a, Tapa le Tapa ii a telsak nop a teal mihingte simngawl kuama in Pa a tel bua hi.

Matthew 17:5

Tuabangin a pau laitakin, a taang meeikaai khat in amate teng tuam a tuaciangin meeikaai sung panin awnging khat in, “Hi sia in ka it ka Tapa hi a, ama tungah ka lungkim hi; a thu na ngai tavun,” ci hi.

Matthew 26:63

Ahihang Jesus a huthe bua hi. Khatvei ma Thiampi Lianbelpa in ama tungah, “A nungta Pathian min taw nang sia kiciamna hong vawtsak khi hi: Pathian Tapa Messiah na hi ziam, hong son ta'n,” ci hi.

Matthew 3:17

Tuaciang van panin aw khat in, “Hisia in ka it ka Tapa hi a, ama tungah ka lungkim hi,” ci hi.

Mark 1:11

Vantung panin aw khat nging a, “Nang sia ka it ka Tapa na hi hi. Nang tungah ka lungkim hi,” ci hi.

Mark 12:5

Huan neipa in sila dang khat ma paisak lai hi; tuasia pa thatlum uh hi; a dang tam mama zongh tuabang ma in vawt uh a, pawlkhat vel in, pawlkhat thatlum uh hi.

Mark 12:7

Ahihang tua lo saapte in, “Hisia pa lo neipa tapa hi. Hong pai tavun, that tawng, tua hile a neisate eima aa suak tu hi!’ ci uh hi.

Mark 9:7

Tuaciangin meeikaai khat hong piang a, a limh taw amate tuamcip hi, tuaciangin meeikaai sung panin aw khat in, “Hi sia ka it ka tapa hi — ama thu ngai vun!” ci hi.

Luke 3:22

Thaa Thiangtho sia a kimu thei pumpi taw ngam vakhu bangin a tungah hong tu hi. Tuaciang aw khat van panin hong nging a, “Nang sia ka it ka Tapa na hi hi. Nang tungah ka lungkim hi,” ci hi.

Luke 9:35

Meeikaai sung panin aw khat nging a, “Hi in ka tealsa ka Tapa ahi hi — ama aw na ngai tavun!” ci hi.

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

John 1:18

Kuama in Pathian mu ngeingawl hi. Pa kungah a om, Pathian ma ahi, Tapa khat bek in Pathian hong hesak hi.

John 1:34

Tuasia mu zo khi hi, tuaciangin ama sia Pathian Tapa hi ci in hong son khi hi,” John in ci hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

John 3:35

Pa in a Tapa it a, na theampo ama ii vaangletna sungah koi hi.

John 5:23

tua thu sia mihing theampo in Pa a zatak bangma in, Tapa a zatak natu ahi hi. Tapa a zakta ngawl po in ama a sawl ahi Pa sia zakta ngawl hi.

Hebrew te 1:6

Ahihang Pathian in a Tapaciil leitung ah a paisak tu ciangin, “Pathian ii vantunglalangte theampo in ama bia tu hi,” ci hi.

1 John 4:9

Tuaciang ama tungtawnin nuntakna ih nga thei natu in Tapa khat bek a nei sia leitung ah hong paisakna taw, Pathian in eite hong itna hong lak hi.

3 John 1:1

Pawlpi Upa keima in — Ka it takpi ka lawm Gaius tungah lai kong thaak hi.