Mark 12:33 - Syin Chin Bible

³³ Tuaciangin mihingte in Pathian sia a thin theampo, a ngaisutna theampo, le a thatang theampo taw a it tu uh kul hi; tuaciangin ama a ki it bangma in a innpaamte a it tu kul hi. Pathian tungah nganhing taw biakpiaknate le a dang biakpiaknate sangin, hi thukham niite zui tu thupi zaw hi,” ci hi.

Mark 12:33 Iomraidhean Croise

Psalm Late 50:23

Lungdamkona sia kei vaang hong pia sangaw biakpiakna hi a, kei thu hong nite theampo ka hun takpi tu hi” ci hi.

Paunakte 21:3

A maan le ahi tu bangin seam in; tua in sangaw biakpiakna sangin Topa lungdamsak zaw hi.

Hosea 6:6

Tatsat ngawl nong itna ka dei a, na sangaw biakpiaknate hi ngawl hi. Ka mite ii meihal biakpiaknate hong piak sangin kei hong heak tu dei zaw khi hi.

Matthew 12:7

Laithiangtho in, ‘Thuthiamna ka dei a, sangaw biaknate ka dei bua hi,’ a ci sia he tatak hi le uhte, a maw ngawl khat sia mawsak lalai ngawl tu nu hi.

Matthew 9:13

‘Sangaw biakpiakna ka dei bua a, cikna thuthiamna bek ka dei hi,’ ci laithiangtho ii khiakna sia kan phot tavun. Mihingphate sam tu in kong pai bua a, mawneite sam tu in kong pai hi,” ci in zo kik hi.

Thuhil kikna 6:5

Topa na Pathian sia na thin theampo, na thaa theampo le na thahatna theampo taw it vun.

Hebrew te 10:8

Ama in a masa in, “Nang in sangaw biakpiakna, piaknate le mawnate laakkeak natu in, biaknatau tungah nganhing pumhalte na dei bua a, na lung a kim bua hi,” ci hi. Tua ahikom Pathian in sangaw biakpiaknate Thukham bangin kipia hi napi, tu a bangin na ci hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.