Mark 12:14 - Syin Chin Bible

¹⁴ Amate Jesus kungah hong pai uh a, “Syapa awng, ngualdang ii ngaisutnate awlmawk ngawlin thumaan a son pa hi, ci in kong he uh hi. Mihing min le zate zongh thupi sim tuan ngawlin Pathian ii mihingte atu a deisak thute hil hi, ci in kong he uh hi. Ih thukham in Rome Kumpilianpa, shia ih piak tu khaam ziam? Pia tu hi ziam, pia ngawl tu hi ziam, hong son ta'n,” ci uh hi.

Mark 12:14 Iomraidhean Croise

2 Khangtaanghthu 18:13

Ahihang Micaiah in, “A nungta Topa min lo in ka Pathian ii son a hong sawl teng son tu khi hi!” ci in zo hi.

2 Khangtaanghthu 19:7

Topa zakta vun a, ngamtatna kidawm vun, banghang ziam cile Topa ih Pathian in thumaan ngawl thimthelna, mi doidan kingupna le sumnguk neaknate dei ngawl hi,” ci hi.

Nehemiah 9:37

Ngamsung pan a piang peuma kumpite kipia a, kote mawnei ka hi uh kom, amate in nong uksak hi. Amate in ko le ka ngannote a uuk bang po in hong vawt uh a, kote ka khuangai mama uh hi!”

Psalm Late 120:2

Topa awng, leilot theite le ngualtheam theite kung pan hong hun ta'n.

Psalm Late 55:21

A kammal ahile noaidiat sangin neal zaw ahihang, a thinsung ah etsatna om hi; a kammalte sia sathau bangin neal a, ahihang tuate in namsau hiamte bangin bantan hi.

Jeremiah 42:20

na pai uh ahile thithei natu dongin a khial na hi tu uh hi. Noma atu in Topa ih Pathian tungah thungetsak tu in nong sawl uh a, ama ii hong thupiak theampo seam tu in kamciam nong pia uh hi.

Micah 3:8

Ahihang kei ka hile Topa in a thaa le a vaangletna taw hong dim a, thukhaikim heak theina le Israel mite tungah amate mawna khialna teng son ngam natu hanna hong pia hi.

Matthew 22:16

Tua zawkciang amate in, a nungzuite pawlkhat le Herod mihingte pawlkhat paisak uh hi. “Sya awng, thumaan na son hi ci in hong he khu hi. Pathian ii mihingte atu a deisak thutakte, mihingte in bang ngaisun ci patau ngawlin na hil hi. Banghang ziam cile mihingte maitang na zakta bua hi.

Matthew 22:17

Bangbang ngaisun ni ziam?, Rome Kumpilianpa shia ih piak tu sia, ih Thukham taw kisi ziam, kisi ngawl ziam? hong son tan?” ci uh hi.

Mark 12:13

Phariseete pawlkhat le Herod ii pawlmite pawlkhat in thudokna taw Jesus aitaa tu in paisak uh hi.

Mark 12:15

Ahihang Jesus in amate ii thimthel pilna teng tel a, ‘Banghangin kei thaang hong sia nuam nu ziam? Ngunn dangka khat hong paipui tavun, hong en sin tong,” ci hi.

Mark 14:45

Judas hong thet po ciangin Jesus kungah pai in, “Syapa awng!” ci in namh hi.

Luke 20:22

Tua ahile ei thukham in Rome Kumpilianpa tungah shia piak tu khaam ziam maw khaam ngawl ziam hong son ta'n,” ci hi.

Luke 23:2

tua munah amate in hi bangin mawsiat uh hi: “Hisia pa in, ka minamte lampui khial in, Kumpilianpa zongh shia piak ngawl natu in, mihingte hol in, ama le ama Messiah kumpipa ka hi hi a ci laitakin ka man uh hi,” ci hi.

John 7:18

Ama aituam thuneina taw a paupa sia, ama atu bek minthanna nga nuam a hanciam ahi hi. Ahihang a sawlpa ii minthan natu a deisakpa sia thumaan a, ama sungah leilot thu a om bua hi.

Romete 13:6

Hi thu hu in shia na pia vun, banghang ziam cile, tua thuneite in a kicing takin a sep uh ciangin, amate in Pathian atu seam a suak uh hi.

2 Corinth te 2:17

Kote sia Pathian thu takpi vanh ngina ngawl te zuak bangin a son midang tam mama te taw ka kibang bua uh hi; ahihang Pathian in hong sawl ahikom, thinsung maan tak taw ama mai ah Christ ii naseamte bangin thu ka son uh hi.

2 Corinth te 2:2

Banghang ziam cile note hong heesak thong leng kei hong lungdamsak tu akua om nawn tu ziam? Keima ii kong heesak te ma om bek tu hi.

2 Corinth te 4:1

Pathian in ama ii hong hesuakna taw hi nasep tu hong pia ahikom ka thin uh a kiam bua hi.

2 Corinth te 5:11

Topa kiitakna ii a cinopna ka he uh a, tua hu in, ngual zongh, tuabang ahithei natu in ka hanthawn uh hi. Pathian in kote sia a khawng a kheakin hong heak bangma in na thinsung uh ah, keima zongh hong he tu in kong muangmaw hi.

2 Corinth te 5:16

Tua ahiciang, mihingte munate taw kuama tungah thu ka khen nawn bua uh hi. Khatvei lai in Christ sia mihing munate taw thukhen ngei ka hita uh zong tu in tuabangin ka khen nawn bua uh hi.

Galatia te 1:10

Hi bang a ka awsua sia mihingte ii diksak tu hi na sa uh ziam? Hi ngawl het hi! Pathian ii diksak tu bek ka deina hi! Mihingte maipha nga nuamin a hanciam ka hi ziam? Tuabangin hanciam lai ka hile Christ ii naseam khat ka hi buatu hi.

Galatia te 2:6

Ahizong lampui tu bang ahi tuate — amate bang po ahizong kei atu a lamdan ngawlna taw hi bangin ka pau ahi hi; Pathian in a puasang pianzia te taw thukhen ngawl hi — tua lampui te in kei tungah ngaisutna thak piakna bangma hong nei ngawl hi ka ci hi.

Thuhil kikna 16:19

Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi.

1 Thessalonica te 2:4

Tuate luangin Pathian in pau a hong dei bangin ka pau tawntung uh hi, banghang ziam cile Lungdamna Thupha son tu in kote kiphu hi ci in ama in khensat hi. Mihingte diksak tu in ka hanciam bua uh hi, ahihang ka niimna uh hong sittel Pathian diksak tu in ka hanciam uh hi.