Mark 11:25 - Syin Chin Bible

²⁵ Thungenin na din uh ciang, khat po tungah diksak ngawlna na nei uh le, maisak tavun,

Mark 11:25 Iomraidhean Croise

Zechariah 3:1

Mukholna dang khat ah Topa in Thiampi Lianbel Joshua sia Topa vantunglalang mai ah dingin a om hong lak hi. Tuaciang Joshua kungah Satan ding a, ama mawsuan tu in kinging hi.

Matthew 5:23

Tua ahikom biaknatau tungah biakpiakna nei tu in, na kithoai laitakin, na suapuipa in, nang tungah lungkim ngawlna nei hi, ci in na phawk le,

Matthew 6:12

Ko tungah hong khialte ka maisak uh bangma, Kote khialna zongh hong maisak ta in.

Matthew 6:5

“Thu na nget uh ciangin a kihisak mihingte bangin ngen heak vun! Amate lamkaa khawng le biakna innte ah ngual mu tu in ding a thungen thanuam uh hi. A tatakin ka ci ciang, amate a thaman uh a cing takin kipia zo ahi hi.

Luke 18:11

Pharisee pa in ama nguak ding a, thungen hi. ‘Pathian awng na tungah ka lungdam hi, banghang ziam cile kei sia ngualdangte bangin ka duhop bua a, leilot ngawlin, numei le pa palngul khialna ka vawt bua hi. Zia sungah shiadongpa bang hi ngawl ka hikom na tungah ka lungdam hi.

Luke 18:13

Ahihang shiadongpa ahile a khualana ah ding a, vantung zongh ento ngam ngawlin, a awm beang a, ‘Pathian awng, kei mimawpa hong hesuak ta'n!’ ci hi.

Luke 6:37

Ngual tungah thu na khen heak vun, tua hile Pathian in no tungah thu hong khen ngawl tu hi, ngual na mawsak heak vun, tua hile Pathian in hong mawsak ngawl tu hi; Ngual mawna na maisak vun, tua hile Pathian in note mawna hong maisak tu hi.

Ephesus te 4:32

Khat le khat tungah kithuthiam zaw vun a, thinneam tavun, Christ tungtawnin Pathian ii note mawna hong maisak bangma in, note zongh khat le khat mawna kimaisak tavun.

Colossae te 3:13

Khat le khat na kidual vun a, a dang khat ii tungah lungkim ngawlna a nei khat po na om uh ciangin, khat le khat kimaisak vun. Topa in note mawna hong maisak bangma in note zongh khat le khat na kimaisak vun.

James 2:13

Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.

Thupualaakna 11:4

Tetti te nii a cite sia leitung Topa mai ah a ding olive kung niite le meivak khuam niite ahi uh hi.