Mark 11:18 - Syin Chin Bible

¹⁸ Thiampi liante le Thukham hil syate in, hi thu za uh a, tua hu in, Jesus a thalup thei natu lampi zong tu in, kipan uh hi. Amate in Jesus kiita uh hi, banghang ziam cile mipite in ama ii hilna sia lamdang a sa uh hi.

Mark 11:18 Iomraidhean Croise

1 Kumpite 21:20

Ahab in Elijah a mu ciang, “Ka ngal pa awng, kei hong pha zo ngawngaw ni ziam?” ci hi. Elijah in “Hi hi, hong pha zo khi hi,” ci in zo hi. “Topa muna ah khialna hi teng na vawt natu in nangma le nangma kipumpiak ni hi.

1 Kumpite 22:18

Ahab in Jehoshaphat munah, “Ama in kei huvau peuma a pha khat zongh hong sonkholsak ngeingawl hi, kong ci sa hi ka na ngawl ziam; a sia khat veu hi tawntung hi!” ci hi.

1 Kumpite 22:8

Ahab in, “Khat om lai hi, Imlah ii tapa Micaiah hi. Ahihang ama ensan khi hi, banghang ziam cile ama in kei atu a pha bangma sonkhol ngeingawl hi; a pha ngawl khat veu hi tawntung hi,” ci in zo hi. Jehoshaphat in “Tuabangin ci heak in!” ci in zo kik hi.

Isaiah 49:7

A kithusim ngawlhet pa, minamte ii etsat pa le ngamukte ii naseampa tungah Israel te ii a thiangtho Pathian le ngumpa in hi bangin ci hi: “Kumpite in na suatak hong mu tu a, nang tungah zatakna lak tu in hong din tu uh hi; kumpi tate zonghin hong mu tu uh a, nangma mai ah zatakna taw hong kun tu uh hi,” ci hi. hi thu piang nanak tu hi, banghang ziam cile Topa in a naseampa teal zo hi; Israel te ii a thiangtho Pathian in a kamciamnate keamcing hi.

Matthew 21:15

Thiampi liante le Thukhamhil syate in, Jesus ii nalamdang a vawt hu le, patangte ii “David Tapa tungah Hosanna, kipok tahen!” a ci hu in amate thin uuk hi.

Matthew 7:28

Jesus in hi thusonteena a nei zawkciang, mi honpi in ama hilzia lamdang sa uh hi.

Mark 1:22

A thuhilna a za mihingte in ama thuhil zia lamdang sa uh hi, banghang ziam cile, Thukham hil syate bang hi ngawlin, ama in thuneina taw thuhil hi.

Mark 11:32

Ahihang ‘Mihing tung pan hi’ ci leang…’ ” ( Amate in mipite kiita hi, banghang ziam cile John sia a kuama po in kamsaang khat hi ci in um tek uh hi.)

Mark 12:12

Jew lampuite in Jesus mat sawm uh hi, banghang ziam cile amate in hi thusonteena sia amate huvau a sonna hi ci in tel uh hi. Ahihang mipite kiita ahikom amate in paisan uh hi.

Mark 3:6

Tua ahikom Phariseete sia synagogue nusia in thakhatin Herod pawlte pawlkhat taw kisi uh a, Jesus thalup tu in, vaihawmna nei uh hi.

Mark 6:20

Herod in John kiita hi, banghang ziam cile John sia mihing thiangtho, mihing pha hi ci in he a, tua ahikom ama keamcing hi. A hilna a zaak simin a thin nawngkai mama ahitazong, Herod in John thuson ngai nuam hi.

Luke 19:47

Ni simin Jesus in Biakinn sungah thuhil hi. Thiampi liante, Thukham hil syate, le mihon lampuite in ama thatlum nuam uh hi;

Luke 2:47

Ama ii ciim kammal taw a zona te a za theampo in lamdang sa uh hi.

Luke 20:19

Thukham hil syate le thiampi liante in tua munah Jesus mat sawm uh hi, banghang ziam cile amate in, ama ii son thusonteena sia amate a cina ahi hunlam he uh hi. Ahizong amate in mihonpite kiita uh hi.

Luke 4:22

Kammal taknei taw a pau thiam hu in mihingte thinsung hong suu hi. “Ama sia, Joseph ii tapa hi kana ngawl ziam?” ci uh hi.

John 7:1

Tua zawkciang, Galilee ngam sungah Jesus khualhaw hi; ama in Judea ngam sungah khualhaw nuam ngawl hi, banghang ziam cile, tuasung a om Jew thuneite in ama thatlum nuam uh hi.

John 7:19

Moses in note Thukham hong pia hi ngawl ziam? Ahihang note kuama in tua Thukham na zui bua uh hi. Kei banghangin thalup hong sawm nu ziam?” ci in zo kik hi.

John 7:46

Biakinn cingte in, “Hisia pa bangin, kuama kampau ngei om ngawl hi,” ci uh hi.

Sawltakte 24:25

Ahihang Paul in ngamtat phatna, pumpi kitekna le, Thukhen Ni hong thet natu thute kikuppui top a, Felix sia lau hi. “Tu in na pai phot ta'n, hunpha ka nga ciangin, kong sam kik tu hi,” ci hi.