Mark 11:17 - Syin Chin Bible

¹⁷ Mihingte hi bangin hil hi: “ ‘Ka innpi sia minam theampo atu in thungetna inn kici tu hi,’ ci in Pathian in a sonna Laithiangtho sungah ki at hi ngawl ziam? Ahizong note in, ngutate bukna phual na suaksak uh hi!” ci hi.

Mark 11:17 Iomraidhean Croise

Isaiah 56:7

“Biakna taw kisai ka mual thiangtho Zion ah kong paipui tu a, ka thungetna inn sungah kong thinnuamsak tu hi, ka biaknatau tungah nong piak biakpiaknate kong saang tu hi. Ka Biakinnpi sia minam theampo atu in thungetna inn kici tu hi,” ci hi.

Isaiah 60:7

Kedar le Nebaioth te ii tuute theampo biakpiakna in nang kungah hong kipuak tu a, Topa lungkim natu in biaknatau tungah kipia tu hi. Topa in a Biakinnpi sia minthangsak seseam tu hi.

Jeremiah 7:11

Ka Biakinnpi sia misuamte, inn phuulte bukna in ngaisun nu ziam? Keima in na vawt uhte kong mu zo hi.

Hosea 12:7

Topa in, “Israel mite sia Canaan mite bangza ma in thumaan ngawl uh hi; amate in vanh leite toaisuang maan ngawl taw theam thanuam uh hi.

Mark 11:16

tuasia ciang ama in kuama vanh pua in, Biakinn leitual kaantan in a pai tu a oai bua hi.

Luke 19:46

hi bangin ci hi, “Laithiangtho sung a ki atna ah, Pathian in ‘Ka biakinn sia thungetna inn kici tu hi,’ ci hi. Ahihang note in ngutate bukna mun na suaksak uh hi,” ci hi.

John 2:14

Tuak Biakinnpi sungah khuite, tuute, inn vakhute, zuakin a om mite le sum theakte zongh sabuai ah to in a om mu hi.

John 2:16

tuaciangin inn vakhu zuakte munah, “Hite hi sung pan lakeak vun! Ka Pa inn sia vanh zuakna mun suaksak heak vun!” ci hi.