Mark 11:13 - Syin Chin Bible

¹³ A ngalkhat ah theikung khat a tee puitung mama in mu hi, tua ahikom theinga khat po a om ziam ci in en tu in pai hi. Ahihang a kung a thet ciangin, theitee bek mu hi, banghang ziam cile a nga hun ahi bua hi.

Mark 11:13 Iomraidhean Croise

Isaiah 5:2

Ama in leito in suang teng vawk a; sapitkung pha belte suan hi. Ama in tuate a cin natu in tausaang khat sa in, sapitngate a cil natu in leidum khat to hi. Ama in sapit a min tu ngak a, ahihang sapitnga theampo thuk siat hi.

Isaiah 5:7

Israel sia Vaanglianbelpa Topa ii sapithuan hi; Judah mite sia ama suan sa sapitkungte ahi hi. Topa in amate a pha vawt tu in muangmaw a, ahihang amate in tual that zaw uh hi. Ama in amate sia a maan bang seam tu in muangmaw a, ahihang amate ii a vawtsiatte in thumaanna dei in kap uh hi.

Matthew 21:19

Ama in lamhui ah theikung khat mu in vil a, ahihang a tee simngawl bangma a mu bua hi. Tua ahikom thingkung tungah, “Nang sia nga kik thei nawn ngawl tu ni hi!” ci hi. Thakhat thu in theikung kongaw cip paih hi.

Mark 11:12

A zing ciang, amate Bethany pan hong heak kik ciang Jesus a ngilkial hi.

Mark 11:14

Jesus in, “Nang tung pan kuama in theinga ne nawn heak tahen!” ci hi. A nungzuite in a pau teng za uh hi.

Luke 10:31

Thiampi khat tua lampi tawnsuk luilam ahihang, tua a liampa a mu ciangin, lampi langkhat ah pial in, paisan hi.

Ruth 2:3

Tua ahikom Ruth pai a, naseamte ii nung pan zui in, an a kheet te la hi. Ama ii sepna lo sia Boaz ii lo na hi luilam hi.

1 Samuel 6:9

Tua zawkciang a paina en vun; Beth Shemesh sang a zuan le Israel te ii Pathian in hi a kiitakhuai tuasiatna hong puak hi, a cina hi. Tuabang a zuan buale, ngimnate sia ama ii hong puak hi ngawl a; a luilamna in a piang hi bek hi, ci in ih he tu hi,” ci uh hi.