Mark 10:52 - Syin Chin Bible

⁵² “Va pai ta'n, na upna in hong damsak zo hi,” Jesus in ci hi. Thakhatin ama khuamu thei a, tuaciang Jesus zui in pai hi.

Mark 10:52 Iomraidhean Croise

Psalm Late 146:8

mittawte khua musak hi. Ama in a puk sate phongto hi; a thutang ama mite it hi.

Psalm Late 33:9

Ama a pau ciangin leitung kibitphua a, ama thupiakna taw na theampo piang hi.

Isaiah 35:5

Mittawte in khuamu thei tu uh a, nangongte in khuaza tu uh hi.

Matthew 11:5

mittawte khuamu in, peangbaite lampai thei a, a lauhuai vun natnate kidamsak in, nangongte khuaza thei a, a thisate kinungtasak kik in, a zawngte tungah Lungdamna Thupha kihil hi.

Matthew 12:22

Tua zawkciang mihing pawlkhat in Jesus kungah doai a vei hu in mittaw a, a pau thei ngawl pasal khat hong paipui uh hi. Khuamu thei a, a pau thei natu in, Jesus in damsak hi.

Matthew 15:28

Tua hi a Jesus in, “Nang sia upna lian a nei numei khat na hi hi! Na deina bang nang tungah hong tung tu hi,” ci hi. Tua hun lian laitakin a tanu dam thiang hi.

Matthew 21:14

Mittaw le peangbai te Biakinn sung ama kungah hong pai uh a, amate damsak hi.

Matthew 8:3

Jesus in a khut zan a, ama thamin, “Hong damsak nuam khi hi, dam ta'n,” ci hi. Thakhat thu in, pasalpa a natna pan dam hi.

Matthew 9:22

Jesus hong kingeilee kik a, numei sia a mu ciangin, “Na thin kiliansak in, ka tanu awng! Na upna in hong damsak zo hi,” ci hi. Tua hun lianin, numeinu dam thiang hi.

Mark 1:31

Ama in nupinu kungah pai in a khut pan kaito in thosak hi. A ciisa natna thai a, amate zin do hi.

Mark 5:34

“Ka tanu awng, na upna in hong damsak zo hi. Thinnuam in va pai ta'n, na ngim ngana pan dam ta'n,” Jesus in ci hi.

Mark 8:25

Jesus in pasalpa mittang tungah a khut nga kik hi. Tuasia ciang pasalpa in khua pha tatak a et le, khuamu thei kik a, na theampo thiang takin mu thei hi.

Luke 7:50

Ahihang Jesus in, numeinu munah, “Na upna in hong ngum zo hi; thinnuam in va pai ta'n,” ci hi.

Luke 9:48

“Mihing khat pawpo in, hi patangno sia ka min taw a saang le keima hong saang ahi hi; tuaciang kei hong saang sia in kei hong sawlpa saang ahi hi. Banghang ziam cile, no sungah a nobel sia in, a lianbel ahi hi,” ci hi.

John 9:32

Simlei pianciil pan kipan, mittaw sa in a suak khat sia khua muna a pia kuama ii thu kiza ngeingawl hi.

John 9:39

Jesus in, “Mittawte khua a mu natu le khuamute mittaw a sua natu in, hi leitung ah thukhen tu in kong pai hi,” ci hi.

Sawltakte 26:18

Nang in amate mit na honsak tu a, amate sia khuazingna sung panin, khuavakna ah, Satan vaangletna panin, Pathian kungah na kiheaksak tu hi. Tua hile amate in keima hong upna tungtawnin, a mawnate uh kimaisak tu a, Pathian tealsa mite sungah amate in omna nga tu uh hi.’