Mark 10:47 - Syin Chin Bible

⁴⁷ Ama in Nazareth mi Jesus hong pai ci in a zaak ciangin, “David Tapa Jesus awng; kei hong hesuak ta'n!” ci in au hi.

Mark 10:47 Iomraidhean Croise

Isaiah 11:1

David kumpi khang kizopna sia a kiphuktan sa thingkung khat taw kibang hi; ahihang thingbul khat pan a baak meang thak a po bangma in, David suan le paalte sung panin kumpi thak khat khangto tu hi.

Matthew 1:1

Abraham ii suan, David ii tu le ta ahi, Jesus Christ ii taanghpupite ii min tepteena lai sia hi bang hi a, Abraham pan David kumpipa dong, a taanghpupite ii minte a nuai a bang ahi hi.

Matthew 12:23

Jesus sep teng a mu uh ciang mipite in lamdang sa uh hi. Amate in, “David tapa hi takpi tu ziam?” ci in dongh uh hi.

Matthew 15:22

Tua ngam ah a teang Canaan numei khat ama kungah hong pai hi. “David Tapa awng!” ci in au a, “Topa hong hesuak ta'n! Ka tanu doai vei in ngim mama hi,” ci hi.

Matthew 2:23

Kamsaangte sonkhol bangin, “Ama sia Nazareth mi kici tu hi,” a cina thu taangtung hi.

Matthew 20:30

Lampi hui ah a to mittaw nii in Jesus hong pai hi ci in a zaak ciangin, “David Tapa awng, ko hong hesuak ta'n, Topa awng,” ci in au uh hi.

Matthew 21:11

“Hisia pa sia Galilee ngam Nazareth pan kamsaangpa Jesus hi,” ci in mihonte in zo uh hi.

Matthew 21:9

Jesus mai le a nung panin a pai mihonte in, “David Tapa minthang hen! Topa min taw hong pai pa tungah Pathian in thupha pia tahen! Hosanna, Pathian in pokna nga tahen!” ci in au uh hi.

Matthew 26:71

Tuaciangin leitual tumna kongbiang ah pai hi. Naseam numei dang khat ma in mu a, “Ama sia Nazareth khua mi Jesus taw a kithawl khat hi,” ci in mite tungah son hi.

Matthew 9:27

Jesus in tua mun nusia in a pai ciang, mittaw niite in ama zui tu in kipan uh hi. “David Tapa awng, ko hong hesuak ta'n,” ci in au uh hi.

Mark 1:24

“Nazareth mi Jesus awng, kote bang hong nuammaw ni ziam? Ko hong lalcipsak tu in hi sungah hong pai na hi ziam? Nang akua na hi hunlam hong he khu hi — Nang sia a thiangtho Pathian kamtaipa ni hi,” ci hi.

Luke 4:16

Tuaciang in Jesus Nazareth khua ama khanna munah cia kik a, Sabbath ni in synagogue ah a pai ngei bangin pai hi. Ama dingin Laithiangtho sim tu in kithoai a,

John 1:46

“Nazareth panin na pha khat pawpo piang thei thong tu ziam,” ci in Nathanael in dongh hi. “Hong pai in hong en ta'n,” ci in Philip in zo hi.

John 19:19

Pilate in heaksakna laino khat at in, thinglamtee tungah taak hi. “Jew te Kumpipa Nazareth khua mi Jesus,” ci in a at hi.

John 7:41

A dangte in, “Ama Messiah hi!” ci uh hi. Ahihang a dangte in, “Messiah sia Galilee pan hong pai ngawl tu hi.

John 7:52

Amate in, “Tua ahile pha hi. Nang zongh Galilee pan ma na hi ziam? Laithiangtho pha takin sim lete, Galilee pan kamsaang hong pai ngeingawl hi, ci in na he tu hi,” ci uh hi.

Sawltakte 6:14

Nazareth mi Jesus in, hi Biakinnpi sutham tu a, Moses tung pan hong paisuk ih ngeina theampo hong khealsak tu hi, ci in a son laitakin za khu hi!” ci uh hi.

Thupualaakna 22:16

“Keima Jesus in, hi thute pawlpi sung note tungah a thangsak tu in ka vantunglalang kong paisak zo hi. Kei sia David ii zung le a suan ka hi hi; keima in nikonghong aksi taang sia ka hi hi,” ci hi.