Mark 10:38 - Syin Chin Bible

³⁸ Jesus in amate munah, “Nong nget uh sia bang ziam ci in na tel bua uh hi. Ngim thuakna hai ka dawn tu sia dawn thei natu nu ziam? Kei ii ki baptize bangin, no zongh ki baptize thei natu nu ziam?” ci hi.

Mark 10:38 Iomraidhean Croise

1 Kumpite 2:22

Kumpipa in, “Banghangin ama piak tu in Abishag hong ngen ni ziam?” ci in dongh hi. “Kumpi tokhum zongh ngetsak vet in. Adonijah sia ka u ahikom, thiampi Abiathar le Joab zongh ama ii sangah pang hi!” ci hi.

Psalm Late 75:8

Topa in a khut sungah hai khat toai in, a thin uukna zu ciik taw kidim hi. Ama in tua zu bungh keak in a seksol theampo in ne uh hi; a mal bo dongin amate in ne siat uh hi.

Isaiah 51:22

Topa na Pathian uh in no hong sungsia a tuaciang, “Ka thin uukna taw kong piak hai sia ka la kik hi. No hong hoisak vatut sapittui sia na ne nawn buatu uh hi.

Jeremiah 25:15

Topa Israel ii Pathian in keima tungah, “Hi lai ah ka thin uukna taw a kidim sapittui hai khat om hi. Kong paisakna minamte theampo kungah tua hai paipui in tua hai sung pan amate in nesak in.

Jeremiah 45:5

Nang atu a tuam vilvel a hong kivawt natu zong na hi ziam? Zong heak in! Mihing nam buppi tungah siatna ka thengsak tu a, ahihang nang sia na paina po ah thi ngawlin na suakta valiai tu hi. Keima Topa in ka ci zo hi.”

Matthew 26:39

Ama sia tawm a pai zawkciang, lei ah bokcip in, thungen hi. “Ka Pa awng, ahithei le hi thuakna hai sia kei tung pan hong laaksak ta'n! Ahihang kei dei bang hi ngawlin, nangma deina bang hi tahen,” ci hi.

Matthew 3:6

Amate in a mawna uh pualaak a, tuaciangin Jordan ngun sungah ama in tuiphum hi.

Mark 14:36

“Pa awng, Ka Pa awng! Na theampo nang atu in suak thei hi. Hi thuakna hai sia kei kung pan hong laaksak ta'n. Ahihang kei deina bang hi ngawlin, nangma deina bang hi tahen,” ci in thungen hi.

Luke 12:50

Kibaptize na ka nga tu khat om a, tuasia a kimanthiang mateng in bangza in ka thin patau ziam!

Luke 22:42

“Pa awng, nang deina ahile hi thuakna hai sia kei kung pan hong laksak ta'n. Ahizong kei deina bang hi ngawlin, nang deina bang hi tahen,” ci hi.

John 18:11

Jesus in Peter munah, “Na namsau a pai sungah thun kik in! Ka Pa ii ka dawn tu a hong piak thuakna hai sia, dawn ngawl tu in hong um ni ziam?” ci hi.

Romete 8:26

Tua bangma in eite in bangza in tha zawngkhal hi ka leang, eite hong hu tu in Thaa hong pai hi. Banghang ziam cile eite in thu ih ngetzia tu ih he bua hi; kammal taw a kilo thei ngawlte tauna taw Pathian tungah Thaa in hong maangkaasak hi.

James 4:3

Tuaciangin na nget uh ciang, na nga bua uh hi, banghang ziam cile na niimnate pha ngawl hi; noma nopsak natu sung bek ah na zak tu uh nate na ngen uh hi.