Mark 10:33 - Syin Chin Bible

³³ “Ngai vun, ei teng Jerusalem ah ih pai tu a, tua munah Mihing Tapa sia thiampi liante le Thukham hil syate tungah ngual in aap tu hi. Amate in thidaan pia tu a, tua zawkciangin Gentile te khut sungah ki aap tu hi,

Mark 10:33 Iomraidhean Croise

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Matthew 16:21

Tua hun panin kipan a nungzuite munah Jesus in thiang takin son a, “Jerusalem ah ka pai kul tu a, upate, thiampi liante le Thukham hil syate tung panin, nasia takin thuak tu khi hi. Hong kithatlum tu a, ahihang, ni thum zawkciang, nuntakna sungah hong kiphongto kik tu hi,” ci hi.

Matthew 26:66

Bangbang ngaisun tu nu ziam?” ci hi. Amate in, “Ama sia mawnei hi, a thi kul hi,” ci uh hi.

Matthew 27:2

Amate in Jesus thikkhau taw khi in, paipui a, Romete ii ngamuk mangpa Pilate kungah aap uh hi.

Mark 14:64

Pathian min a simmawk hunlam na zaak tek uh hi. Bangbangin thukhen tu nu ziam?” ci hi. Amate theampo in ama a langpan siat uh hi. Ama maw hi, thalup kul tu hi, ci uh hi.

Mark 15:1

Zingsang tuungin thiampi liante sia upate, Thukham hil syate le Council bup taw a manlang in hong kisitua uh a, amate in vaihawmna nei uh hi. Amate in Jesus thikkhau taw khi uh a, Pilate kungah paipui in aap uh hi.

Mark 8:31

Tua zawkciang Jesus in a nungzuite hilna nei tu in kipan hi. “Mihing Tapa in nasia takin ngimna thuak tu a, upate, thiampi liante le Thukham hil syate in nial tu uh hi. Ama thatlum tu a, ni thum zawkciang nuntakna sungah tho kik tu hi,” ci hi.

Mark 9:12

A zo kikna pan, “Na theampo puua khol tu in Elijah hong pai masa takpi hi. Ahitazong, Mihing Tapa in nasia takin thuak tu a, ama kinial tu hi, banghangin Laithiangtho in ci ziam?

Mark 9:31

banghang ziam cile ama in “Mihing Tapa in ama a thatlum tu mihingte tungah ki aap tu hi. Ahihang ni thum zawkciang nuntakna sungah ama tho kik tu hi,” ci in a nungzuite hil hi.

Luke 23:21

Ahihang amate in ausan kik a, “Thinglamtee tungah thatlum in! Thinglamtee tungah thatlum in!” ci uh hi.

Luke 9:22

Ama in, “Mihing Tapa in nasia takin thuak tu a, upate, thiampi liante le thukham hil syate in nial tu hi. Ama kithatlum tu hi, ahihang ni thum zawkciangin nuntakna sungah kitho kiksak tu hi,” ci in son lai hi.

John 18:28

Zing tuungin Jesus sia Caiaphas ii inn pan ngamuk mangpa kumpi inn ah kipaipui hi. Jew thuneite in kumpi inn sungsang ah a tum bua uh hi, banghang ziam cile Paisan Poai anneak thei natu in amate zeksa vai in a thiangtho in om nuam uh hi.

John 18:32

(Jesus in a thi natu zia a sonna kammalte a tun natu hi bangin piang ahi hi.)

John 19:11

Jesus in, “Pathian hong piak hu bek in, kei tungah thu na nei hi. Tua ahiciang nang tungah kei hong aap pa in, mawna nasia zaw vawt ahi hi,” ci in zo hi.

Sawltakte 13:27

Tua in banghang ziam cile, Jerusalem ah a om mihingte le a lampuite in ama sia Hunpa ahi hunlam he ngawl a, Sabbath ni sim a kisim kamsaangte ii kammalte zongh a tel bua uh hi. Ahihang amate in Jesus a puavawk na uh taw, kamsaangte sonna teng, a taangtungsak a suak hi.

Sawltakte 20:22

Tu in Thaa Thiangtho thu ka nitna taw Jerusalem ah pai tu khi hi, tua munah bang tat tu khi ziam he ngawl khi hi.

James 5:6

Mawna nei ngawl mihingte mawsak in, na thatlum zo uh hi, tuaciang amate in no hong nalh ngawl uh hi.