Mark 10:30 - Syin Chin Bible

³⁰ ama in hi khang hun sungah a tamzaw lai nga tu hi. Ama in innte, suapuipate, suapuinumeite, nu, pa, tate le lote a zaa zakhat tamzaw in nga tu hi, vawtsiatna zongh thuak tu hi, tuaciang hong pai pheang tu hun sungah tawntung nuntakna nga tu hi.

Mark 10:30 Iomraidhean Croise

2 Khangtaanghthu 25:9

Amaziah kumpipa in kamsaangpa tungah, “Tua ahile ka piaksa ngunnte theampo a thawthong suak tu ziam?” ci in dongh hi. Kamsaangpa in, “Tuasia sangin a tamzaw Topa in nang hong pia kik thei hi!” ci in zo kik hi.

Psalm Late 84:11

Topa in ei hong sungsia pa le a minthang kumpipa hi a, ama in cikna le minphatna taw eite thupha hong pia hi. A maan a seamte tungah ama in naphate khat zongh a haza bua hi.

Paunakte 16:16

Khamh le ngunn sangin ciimna le heakna nei tu phazaw hi — phazaw pek hi.

Malachi 3:10

Biakinnpi sungah an tam mama a om thei natu in sawm a khat a cingin hong paipui tavun. Kei hong sin tavun, vantung khelkite ka hong tu a, na pha namcinte kicing takin no tungah kong buaksuk na mu tu uh hi.

Matthew 12:32

Mihing Tapa a sonsiate kimaisak thei hi; ahihang Thaa Thiangtho a sonsiate tu hun ahizong, maisang a tawntung ahizong kimaisak ngawl tu hi.

Matthew 13:8

Ahihang thaicii pawlkhat lei phana ah taakin, ankungte hui a; a kung pawlkhat ii tung pan a zaa zakhat, pawlkhat a zaa sawmluk, pawlkhat a zaa sawmthum in nga hi.”

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Luke 18:30

hi hun sung mama ah, a tamzaw in nga tu a, hong pai lai tu hun sungah tawntung nuntakna nga tu hi,” ci hi.

John 10:23

Jesus sia Biakinn huang sung Solomon Talaap sungah a vavak laitakin,

Sawltakte 14:22

Amate in thu umte thakho sua uh a, upna sungah thumaan in a kip natu uh hanthawn uh hi. “Pathian Ngam sungah ih tum thei natu in, ngimna tam mama ih kaantan kul tu hi,” ci in hil uh hi.

Sawltakte 16:25

Zankim hun ciangin, Paul le Silas in Pathian tungah thungen in, biakna late sa in om a, thongtaak dangte in ngai uh hi.

Sawltakte 5:41

Sawltakte in Council a nusiat ciang, Jesus atu in maizum thuak tu, Pathian in kiphu sa ahikom lungdam uh hi.

Romete 5:3

Ih ngimnate hu zonghin ih angtang hi, banghang ziam cile ngimna in thuak zawkna piangsak a,

Romete 6:23

Banghang ziam cile mawna thaman in thina hi a; ahihang tawntung nuntakna sia, ih Topa Jesus Christ taw ih kikopna hangin a thong a hong piak letsong ahi hi.

2 Corinth te 6:10

hong heesak ahihang ka lung uh dam tawntung hi; a zawng bang ka hi uh hangin, mihing tam mamate ka hausak uh hi; neisa bangma nei ngawl tu bang ka hi uh hangin, na theampo a nei tatakte ka hi uh hi.

Philippi te 3:8

Tuate bek ahi bua hi: ka Topa Christ Jesus heakna thu sia manpha zaw pek ahi hu in nadang theampo sia supna hi ci in ka tuat hi. Ama hangin na theampo ka vawk zo hi; Christ ka nei thei natu le, ama taw pumkhat ka sua bit thei natu in na theampo sia ninbu lomtangh bang bekin ka ngaisun hi,

2 Thessalonica te 2:16

Ih Topa Jesus Christ ama mama le eite hong it a, a thuthiamna taw a kiam ngeingawl thinletna le lametna kho hong pia, ih Pa Pathian in,

1 Timothy 4:8

Pumpi thasaalin kisinna in phatna pawlkhat nei hi, ahihang thaa thu ah kisinna in, tu hun le maisang hun atu nuntakna ahikom manpha zaw pek lai hi.

1 Timothy 6:6

Mihing khat in a nei pawpo taw a lungkim nale biakna paaina in ama sia sumhau mama pa a suaksak takpi ma ahi hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

James 5:11

Amate sia mihing lungdamte hi ih ci hi, banghang ziam cile amate in thuak zo uh hi. Job ii thin sauna te na za zo uh a, a tawpna ah Topa ii piakkikna thu na he zo uh hi. Banghang ziam cile, Topa sia hesuakna le ciliapna taw kidim hi.

1 John 2:25

Tuaciangin Christ ama mama ii eite hong piak tu hong kamciam sia — tawntung nuntakna ahi hi.

1 John 3:1

Pa in ei sia bangza in hong it ziam tel tavun! Ama hong itna lian mama ahikom ei sia Pathian ii tate hong kici hi — tuabang takpi ma ih hi hi. Leitung in Pathian he ngawl ahikom leitung mite in ei hong he ngawl hi.

Thupualaakna 2:9

Na ngimna teng kong he hi; zawng hi ci in kong he hi — ahihang a tatak sia hau nu hi! Jew te khu hi a ci theamte ii no hong siatsonnate ka he hi; amate sia Satan ii neisa honkhat ahi uh hi.

Thupualaakna 3:18

Tua ahikom ngaisut kong piakna panin, na hau natu in kei kung pan khamh, khamh ciitak hong lei ta'n. A maizumhuai pumnguaktangin na om sia na kiseal natu in, puankaang zongh hong lei ta'n. Khua na mu thei natu in, na mittang na noi tu in, za pawlkhat hong lei ta'n.