Mark 10:24 - Syin Chin Bible

²⁴ Nungzuite in hi kammalte lamdang mama sa uh hi, ahihang Jesus in, “Ka tate awng, Pathian Ngam sungah tum tu, bangza in haksa ziam!

Mark 10:24 Iomraidhean Croise

Psalm Late 17:14

hi leitung nuntakna sungah a dei uh po a neite khut sung panin hong hun ta'n. Amate atu na khealsia ngimnate taw amate daan pia in; tua daante sia a tate atu zongin kicing lai tahen a, a tate ii tate dong pawlkhat khomsuan lai tahen.

Psalm Late 52:7

“En vun, ngammuan natu Pathian a suang ngawl, hi sungah mihing khat om a, ama in a nei a lamh tampite suang a, seksol ngamtatna taw ngammuanna zon a sawm zaw hi,” hong ci tu uh hi.

Psalm Late 62:10

Ngoltolna sungah thin muang heak vun; sutolna taw meetna bangma nga tu in ki um heak vun; na haunate a khangto hial zongin tuate suang heak vun.

Paunakte 11:28

A hauna uh a suangte in tangngam lai a, thingteete bangin a pul tu uh hi, ahihang thutangte in khaal lai a, thingteete bangin a khang tu uh hi.

Paunakte 18:11

Mihaute ahile amate hauna in, a saang a kho khuapi luphungte bangin, amate dal hi ci in ngaisun hi.

Paunakte 23:5

Na sumte sia muvanlai khat a tha hong po in a len bangma in thakhat thu in bo thei hi.

Jeremiah 9:23

Topa in, “Miciimte in amate ii ciimna, mi thahatte in amate ii thahatna, mihaute in amate ii haunate kisakthei pui heak hen.

Habakkuk 2:9

Na lal zo hi! Ngongtatna taw na laak te taw na innkuan na hausak a, siatna le launa pan na inn ngam muang tu in na hanciam hi!

Zephaniah 1:18

Tua ni in Topa in a thinsona hong lak ciang a ngunn a khamh te theampo zongin amate a hun zo buatu hi. Leitung bup sia a thin uukna meikuang in susia tu hi. Leitung a teang mihing theampo bona — thakhat thu in a bona — ama in tungsak tu hi.

Matthew 19:25

Nungzuite in hi thu a zaak uh ciangin, amate lungmang mama uh hi. “Tuabang hi thong le akua peuma ngupna nga thei tu ziam?” ci uh hi.

Mark 1:27

Mihingte theampo in lamdang mama sa uh a, “Bangbang thu hi thong ziam? Tu a sia kihilna thak khat ahi ziam? Hisia pa in doaite tungah thunei a, thu a piak ciangin doai in a thu ni hi!” ci in khat le khat kikum uh hi.

Mark 10:23

Jesus in a nungzuite en kawkoai a, amate munah, “Sumhaute Pathian Ngam sungah a tum tu sia, bangza in haksa tu ziam!” ci hi.

Luke 16:14

Phariseete in hi thute a zaak uh ciangin Jesus sia ciammuina in nei uh hi, banghang ziam cile amate sum deite ahi uh hi.

John 13:33

Ka tate awng, kei sia no taw ngei hong omkhawm nawn ngawl tu khi hi. Note in kei nong zong tu uh hi; ahihang, Jew thunei mihingte munah ka ci sa bangin, ‘Kei pai natu munah note nong pai thei buatu hi,’ ci sia tu in kong son hi.

John 21:5

“Tangvalte awng, bangma man ngawl nu ziam?” ci in Jesus in dongh hi. “Bangma man ngawl khu hi,” ci in zo uh hi.

John 6:60

A nungzuite tam mama in hi thu za uh a, “Hi kihilcianna sia haksa leih hi. Akua in hi thu ngai zo thong tu ziam,” ci uh hi.

Galatia te 4:19

Ka it tanote awng, Christ pianzia note sungah hong pian mateng in, numeite nausuak tu a tut ciangin a bot bangma in ka thuak hi.

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

1 John 2:1

Ka tate awng, mawna khialna na vawt ngawl natu in hi lai kong at hi; ahihang khat po in mawna a vawt le Pa mai ah ei taangin hong ngetsak tu khat — thutangpa Jesus Christ ih nei hi.

1 John 4:4

Ahihang ka tate awng, note sia Pathian neisa na hi uh a, kamsaang maan ngawlte na zothal zo uh hi, banghang ziam cile no sungah a om Thaa sia leitung neisa ahite ii sung a om thaa sangin thahat zaw hi.

1 John 5:21

Ka tate awng, a maan ngawl pathiante panin noma le noma na kikeam tavun!

Thupualaakna 3:17

Nang in ‘Kei sia hau in nuamsa ing; ka kisap theampo nei ing,’ ci ni hi. Ahihang bangza in zawngkhalin, hesuakhuai na hi hunlam na kihe bua hi! Nangma na zawng a, pumnguak na om a, na mittaw hi.