Mark 10:21 - Syin Chin Bible

²¹ Jesus in ama itna taw en in, “Na kisap khat bek om lai hi. Va pai ta'n a na neisa theampo zuakin, na sum nga teng mizawngte pia ta'n; tuasia ciang vantung ah hauna na nei tu hi; tua zawkciang hong pai ta'n a, ka nung hong zui ta'n,” ci hi.

Mark 10:21 Iomraidhean Croise

Pianciilna 34:19

tangvalpa in hai ngawlin a ci bangin a vunteap at paih hi, banghang ziam cile Jacob ii tanu a dei hang ahi hi. Shechem sia amate innkuan sungah a thupibel ahi hi.

Paunakte 23:23

Thumaan thutak, ciimna, sintheina le khua ngaisut theina, hite sia a man piak taak a, ahizong na zuak tu in manpha lei hi.

Matthew 16:24

Tua zawkciang Jesus in a nungzuite munah, “Khat po in kei hong zui nuam le ama le ama kinial in, a thinglamtee pua in, ka nung hong zui tahen.

Matthew 19:21

Jesus in ama munah, “Na cialcing nuam le, va pai ta'n a, na neisa theampo zuak in, sum na nga teng a zawngte pia ta'n, tua hile vantung ah na hau tu hi; tua zawkciang ka nung hong zui ta'n,” ci hi.

Mark 10:22

Pasalpa in hi thu a zaak ciangin a maikhing a, khuangai in a paisan hi, banghang ziam cile ama hau mama hi.

Mark 8:34

Tua zawkciang Jesus in mihonte le a nungzuite ama kungah sam a, “Mihing khat po in kei hong zui nuam le, ama le ama kinial in, a thinglamtee pua in hong zui tahen.

Luke 10:42

Ahihang a kisamh khat bek om hi. Mary in vawt tu a kilawm sia teal zo hi. Ama tung pan tuasia kilaaksak ngawl tu hi,” ci hi.

Luke 12:33

Na neisa theampo zuak vun a, na nga uh sumte a zawngte pia vun. Na hauna uh sia van ah na khol vun, tua munah a man sulh ngeingawl tu hi. Banghang ziam cile tua munah ngutate in ngu thei ngawl a, nget in ne thei ngawl hi.

Luke 16:9

Jesus in hi bang ci thua hi. “Kei kong cina pan: leitung haunate taw ngualtamh zong vun, tuaciang, tuasia a bo ciang tawntung inn ah no hong kisaang tu hi.

Luke 18:22

Jesus in hi thu a zaak ciangin ama tungah, “Na khat nasep tu kisamh lai ni hi. Na neisa teng zuakin a, na sum nga teng a zawngte pia in, tua hile vantung ah hauna na nei tu hi; tua zawkciangin hong pai ta'n a, ka nung hong zui ta'n,” ci hi.

Luke 19:41

Ama khuapi taw a kinai vaialna hong theng a, khuapi a mu ciangin kapin,

Luke 9:23

Tuaciangin amate theampo tungah hi bangin ci hi, “Kei nung hong zui nuam khat po in ama le ama kinial in a thinglamtee ni simin pua in hong zui tahen.

John 12:26

Ka naseampa sia keima omna po ah, keima taw a om thei natu in, kei atu hong sepsak nuam peuma in kei hong zui kul tu hi. Tuaciang kei atu a seam khat pawpo sia ka Pa in patoai tu hi.

John 16:33

Kei taw ih kikopna hangin thinnopna na nga natu hi thu kong sonsa hi. Leitung in ngim le kham hong thuaksak tu hi. Ahihang na thin uh liansak vun! Leitung ka zo zo hi,” ci in zo hi.

Sawltakte 2:45

Amate in a neisate zuak a, mihing khat sim ii a kitaangsapna babang taw kizui in, a sum hawm uh hi.

2 Corinth te 12:15

Ka nei theampo ka nuntakna dongin note kong hu natu in lungdam takin ka zangh siat tu hi. Tua za in kong it mama hu in, nong itna uh khiam zaw pumsai tu nu ziam?

2 Timothy 3:12

A kuama po Jesus Christ taw kipawlin, Pathian dei bang nuntakna a nungta nuamte sia kivawtsia tu hi.

Hebrew te 10:34

Thongtaakte na thuakpui uh a, na neisa theampo hong kimatsak ciangin, tua supna sia lungdam takin na thuak uh hi, banghang ziam cile a tawntung a, a kikhomsuan tu, a phazaw pek khat, nei nginge lai na hi uh sia na he uh hi.

James 2:10

A kuama po thupiak khat a paltan pa in, thukham a vekpi in paltan ahi hi.

Thupualaakna 2:14

Ahihang kong mawsiat nopna pawlkhat om hi: milim biakna an a neak natu le numei le pa paktat natu a kaizotna taw Israel te mawna sung a thengsak Balak tungah thu a hil Balaam thuhilna a zui pawlkhat na om uh hi.

Thupualaakna 2:20

Ahihang nang kong mawsiat nopna pan: Pathian naseam khi hi ci in a kivawttawm Jezebel numeinu sia dual ni hi. Ama hilna taw ama in ka naseamte lamkhialsakin, milim biakna ante neakna le, numei le pa paktatnate vawtsak hi.

Thupualaakna 2:4

Ahihang note kong mawsakna khat sia hi thu ahi hi. A masa a nong it uh bangin, tu in kei nong it nawn bua uh hi.