Mark 10:2 - Syin Chin Bible

² Phariseete pawlkhat ama kungah hong pai a, ama aitaa tu in hong kipan uh hi. “Ih Thukham in, pasal khat in a zi a khul tu oai ziam hong son ta'n,” ci uh hi.

Mark 10:2 Iomraidhean Croise

Malachi 2:16

Israel ii Topa Pathian in, “Nupa kikhulna ngaimaw khi hi. Note khat po in a zi tungah tuabang a ngitlo ciang ngaimaw khi hi. Na zi tungah na thumaan tu a, na kamciam na paltan ngawl natu in kidawm in,” ci hi.

Matthew 15:12

Tua zawkciangin a nungzuite, ama kungah pai in, “Tu a na pau teng a zaak ciangin, Pharisee te ii maktak hunlam na he ziam?” ci in dongh uh hi.

Matthew 16:1

Pharisee te pawlkhat le Sadducee te pawlkhat Jesus kungah hong paite in ama sia Pathian thukimpui ahile ahi ngawl a tel nopna in, aitaa in, nalamdang lakna khat a vawt tu in ngen uh hi.

Matthew 19:3

Pharisee te pawlkhat in, ama aitaa nuam ahikom hi bangin dongh uh hi. “Pasal khat in a zi sia bang thu po taw ahizong a khul nuam le khul thei hi ci thu, ih thukham in a oai ziam?” ci uh hi.

Matthew 22:35

amate sung panin, Thukham hil sya khat in, Jesus sia thudokna khat taw aitaa sawm hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 9:34

Ahihang Pharisee te in, “Jesus tungah doaite nawkeak thei natu vaang a pia sia in doaimangpa ahi hi,” ci uh hi.

Mark 10:1

Tua zawkciang Jesus in tua mun nusia in, Judea ngam ah pai a, Jordan Ngun kaantan hi. Mihonpite hong kikhawm kik a, a hil ngei tawntung sa bangma in amate hil hi.

Mark 10:3

Jesus in thudokna khat taw zo a, “Moses in bang thukham hong pia ziam?” ci hi.

Mark 8:11

Phariseete pawlkhat Jesus kungah pai a, ama taw kam kinial uh hi. Amate in Jesus thaangsia bangin sia nuam ahikom Pathian lungkimpuina a om le a om ngawl a tel nopna in, nalamdang lakna khat ngen uh hi.

Mark 8:15

“Kidawm vun a, Phariseete le Herod ii tol panin, kikeam tavun,” Jesus in ci hi.

Luke 11:39

Tua ahikom Topa in ama tungah, “Tu in no Phariseete na kuang na hai uh a puasang panin na thiangsak uh hi. Ahihang na sungsang uh ah ngitlona le ngoltolna taw na kidim uh hi.

Luke 16:14

Phariseete in hi thute a zaak uh ciangin Jesus sia ciammuina in nei uh hi, banghang ziam cile amate sum deite ahi uh hi.

Luke 5:30

Pharisee pawlkhat le tuate sung pan Thukham hil syate in Jesus nungzuite tungah lungkim ngawlna hi bangin ci uh hi. “Banghangin shiadongte le a kipuavawkte taw annekhawm tuidawn khawmin om nu ziam?” ci in dongh uh hi.

Luke 6:7

Thukham hil syate le Phariseete in Jesus tungah mawna zong nuamin, Sabbath ni in ciina a damsak ziam a damsak bua ziam, ci in a khial tu encik hi.

Luke 7:30

Ahihang Phariseete le thukham hil syate in amate atu, Pathian ii tupna te nial in, John ii tuiphum tu a uuk bua uh hi.

John 11:47

Tua ahikom Pharisee te le thiampi liante Council te taw kisitua in, “Bang law tu hi ziam? Hisia pa ii nalamdang lakna a vawt theampo en vun!

John 11:57

Thiampi liante le Phariseete in Jesus a kimat thei natu in ama omna a he a om le thu hong puak nanak tu nu hi, ci in thupia uh hi.

John 7:32

Pharisee te in Jesus huvau mihonte ii kihuauna uh a zaak uh ciang, amate le thiampite in, Jesus a man tu in, biakinn cingte paisak uh hi.

John 7:48

“Thuneite khat ahibuale Pharisee te khat in ama um hi ci in na he ngei uh ziam?

John 8:6

Amate in hi bangin a ci uh sia Jesus a mawsiat thei natu in a aitaana hi. Ahihang ama kunin, a khutme taw lei ah lai at hi.

1 Corinth te 10:9

Amate pawlkhat bangin Topa ih ze et bua het tu hi — amate ngul in tulum uh hi.