Mark 10:18 - Syin Chin Bible

¹⁸ “Pathian khat bek simngawl, a pha kuama om ngawl hi. Banghangin kei pha hong ci ni ziam?,” ci in Jesus in dongh hi.

Mark 10:18 Iomraidhean Croise

Psalm Late 119:68

Nang sia na pha a, na thuthiam hi! Na thupiakte hong hil ta'n.

Psalm Late 145:9

Ama sia mihing sim tungah pha in, a vawt theampo tungah mulkimna nei hi.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Matthew 19:17

“A banghangin naphate huvau kei tungah hong dongh ni ziam? A pha khat bekma om hi. Nuntakna sungah na tum nuam le thupiakte tang in,” Jesus in ci hi.

Mark 10:17

Jesus ding tu in a kipat kik ciangin, pasal khat hong tai a, ama mai ah khupdin in, “Sya pha awng, tawntung nuntakna ka nga natu in bang ka vawt tu ziam?” ci in dongh hi.

Mark 10:19

“Thupiakte na heak hi a: ‘Mihing that heak in; palngul mawna vawt heak in; nguta heak in; leilot thu taw ngual suanhkhial heak in; ngualtheam heak in; na pa le na nu zakta in,’ ” ci hi.

Luke 18:19

“Banghangin Sya pha hong ci ni ziam? Pathian khat simngawl kuama a pha om ngawl hi.

Romete 3:12

Mihingte a vekpi in Pathian sang panin lampial zo a, amate lamkhial siat zo uh hi. A maan na a seam, kuama om ngawl a, khat bebeak zongh om ngawl hi.

James 1:17

A pha tel le ziakte le a cingtaak letsong theampo vantung panin hong pai hi; tua teng sia vantung khuavakte a bitphua, kikheal ngeingawl a, kihei in khua a zingsak ngawl Pathian kung pan hong paisuk hi.

1 John 4:16

Tuaciang Pathian ii ei atu a nei itna sia eima mama in ih he a, ih um hi. Pathian in itna hi, tuaciang ki itna sungah a nungta peuma Pathian taw pumkhatin nungta a, Pathian zongh ama taw pumkhatin nungta hi.

1 John 4:8

Ngual a it ngawl peuma sia Pathian a he bua hi, banghang ziam cile Pathian in itna ahi hi.

1 Samuel 2:2

“Topa bangin a thiangtho kuama om ngawl hi; Ama taw a kibang kuama om ngawl hi, Ih Pathian bangin hong dal kuama om ngawl hi.