Mark 10:17 - Syin Chin Bible

¹⁷ Jesus ding tu in a kipat kik ciangin, pasal khat hong tai a, ama mai ah khupdin in, “Sya pha awng, tawntung nuntakna ka nga natu in bang ka vawt tu ziam?” ci in dongh hi.

Mark 10:17 Iomraidhean Croise

Daniel 6:10

Kumpipa thukham sia kumpipa in a minthu zo hi, ci thu Daniel in a heak ciang a inn ah cia hi. A inndawl tung inndoi khat sungah Jerusalem khua sang a maingat khelkite om hi. Tua munah, a vawt ngei tawntung bangma in, khelki kihongna te ah khupdin in ni khat sung thumvei veu Pathian tungah thungen hi.

Matthew 17:14

Mihonpite kungah amate hong heaksuk kik zawkciangin pasal khat Jesus kungah pai a, a mai ah khupdin in,

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 28:8

Tua ahikom amate in, thaan sia manlang takin nusia a, lau kawm si lungdamna taw kidim si in, nungzuite kungah thupuak tu in tai uh hi.

Mark 1:40

A lauhuai vun natna vei a nasia mama khat Jesus kungah hong pai a, khupdin in, “Hong damsak nuam po lete hong damsak thei tu ni hi,” ci in hu ngen hi.

Mark 10:18

“Pathian khat bek simngawl, a pha kuama om ngawl hi. Banghangin kei pha hong ci ni ziam?,” ci in Jesus in dongh hi.

Mark 12:14

Amate Jesus kungah hong pai uh a, “Syapa awng, ngualdang ii ngaisutnate awlmawk ngawlin thumaan a son pa hi, ci in kong he uh hi. Mihing min le zate zongh thupi sim tuan ngawlin Pathian ii mihingte atu a deisak thute hil hi, ci in kong he uh hi. Ih thukham in Rome Kumpilianpa, shia ih piak tu khaam ziam? Pia tu hi ziam, pia ngawl tu hi ziam, hong son ta'n,” ci uh hi.

Mark 9:25

Mipite in ama uumci tu a kithoai sia Jesus in mu ahikom thaa ngilo tungah, thupia a, “Nangong le a pau thei ngawl thaa ngilo awng, patang sung pan hong pusuak ta'n a, ama sungah tum kik nawn heak in, ci in thu kong pia hi,” ci hi.

Luke 10:25

Thukham hil sya khat hong pai in Jesus aitaa nuam a, “Sya awng, tawntung nuntakna ka nga natu in bang ka vawt tu ziam?” ci in dongh hi.

John 3:2

Zan khat Jesus kungah ama pai in, “Rabbi awng, nang sia Pathian ii sawl sya khat hi ci in kong he uh hi. Pathian in hong ompui buale, na vawt nalamdang laknate, kuama in vawt thei ngawl tu hi,” ci hi.

John 5:39

Laithiangthote na entel uh hi, banghang ziam cile tuate sungah tawntung nuntakna mu tu na ki um uh hi. Tuaciangin hi Laithiangthote mama in, keima ii thu son hi!

John 6:40

Banghang ziam cile ka Pa ii deina sia, Tapa mu a, ama a umte theampo in tawntung nuntakna a nga natu ahi hi. Tuaciang ni tawpkhakbel ni in, amate nuntakna sungah ka thosak tu hi,” ci hi.

Sawltakte 16:30

Tua zawkciang, amate ngeal pusua in, “Tote awng, ngupna ka nga natu in bang vawt tu khi ziam?” ci in dongh hi.

Sawltakte 2:37

Tua mihingte in hi thu a zaak uh ciangin, nasia takin a thin uh ngim a, Peter le sawltak dangte munah, “Suapuite awng, bang law tu khu ziam?” ci uh hi.

Sawltakte 20:32

“Tu in no sia Pathian kepna sung le a thuthiamna thu sungah kong aap hi, tuasia in ama mihing theampo hong puuato thei a, Pathian thuphate hong pia thei hi.

Sawltakte 9:6

“Ahihang, tho in a, khuapi sungah va pai ta'n, Tualai ah na vawt tu a kul teng hong kison tu hi,” ci hi.

Romete 2:7

Mihing pawlkhat in nasep pha seam zomin minthanna, upatna le thi mawk nuntaknate Pathian kungah zong uh hi. Tuate tungah Pathian in tawntung nuntakna pia tu hi.

Romete 6:23

Banghang ziam cile mawna thaman in thina hi a; ahihang tawntung nuntakna sia, ih Topa Jesus Christ taw ih kikopna hangin a thong a hong piak letsong ahi hi.

Ephesus te 1:18

Bang lametna nei tu in note hong sam a, a mite a piak tu a, a kamciam thuphate bangza in nasia, ci in na heak natu in na thinsung uh hong kihonsak a, a khuavak na mu thei natu in kong ngetsak hi,

Titus 3:7

tuasia ciangin ama ii thuthiamna taw, eite sia Pathian taw thutang suak thei in ih lamet ahi tawntung nuntakna hong neisak hi.

Hebrew te 1:14

Tua ahile vantunglalangte sia bang ziam? Amate sia Pathian naseam thaa te hi a, ngupna a saang tute a hu tu in, a sawlte ahi uh hi.

1 Peter 1:4

tua ahikom a mite atu Pathian ii a koi, a thupha tam mamate a nei tu in ih kilamen hi. Ama in note atu in tua thuphate vantung ah keam a, tua munah muat thei ngawl, lal thei ngawl le vul thei ngawlin om hi.

1 John 2:25

Tuaciangin Christ ama mama ii eite hong piak tu hong kamciam sia — tawntung nuntakna ahi hi.