Mark 10:14 - Syin Chin Bible

¹⁴ Jesus in hi bang a ngamtat uh a mu ciangin, thin uuk a amate tungah, “Patangte ka kungah hong pai tahen, khaam heak vun, banghang ziam cile Pathian Ngam sia hi bangte atu ahi hi.

Mark 10:14 Iomraidhean Croise

Pianciilna 17:7

“Ka kamciam ka kipsak tu a, nangma le na suan na paal khangkikte tungah, tawntung thuciamna hi tu hi. Keima in na Pathian ka hi tu a, na suan na paalte ii Pathian ka hi tu hi.

Psalm Late 78:4

Hi thute ih tate tungah ih iim buatu hi. Topa ii a vaangletna, a sepna liante le a vawtsa a lamdang nate sia khang kikte tungah ih son tu hi.

Isaiah 65:23

A nasepna maapai tu a, a tate in tuasiatna thuak ngawl tu uh hi. Keima in amate le a suan a paalte hong pai tu hun sung theampo thupha ka pia tu hi.

Mi Simna 14:31

Na tate kiman tu na ci uh hi, ahihang na nialna ngam ah amate ka paipui tu a, tua ngam sia amate inn le lo suak tu hi.

Matthew 18:10

“Hi patang khat po na zawnsak ngawl natu in, na kidawm vun. Amate ii vantunglalangte sia ka Pa omna munah om tek nginge hi, ci in hong son ka hi hi.

Matthew 18:4

Vantung ngam sungah a lianbel sia in, ama le ama kiniamkhiak a, hi patang bang ahite ahi hi.

Matthew 19:14

Jesus in, “Patangte ka kungah hong pai tahen, khaam heak vun, banghang ziam cile Vantung ngam sia tuabangte atu ahi hi,” ci hi.

Matthew 5:10

“Pathian ii deina bang ngamtatna hangin vawtsiat a thuakte in, mihing lungdamte ahi uh hi; Vantung ngam in amate aa hi tu hi!

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Mark 3:5

A kiimkot a et ciangin, Jesus in amate tungah thin uuk ahitazong hesuakhuai sa si hi, banghang ziam cile amate a thin uh pui mama a, a ngaisutna uh zongh maan ngawl hi. Tua zawkciang pasalpa munah, “Na khut vaan in,” ci hi. Ama in a khut vaan a, a khut dam kik hi.

Mark 8:33

Ahihang Jesus hong kingeilee a, a nungzuite en in, Peter teih hi. “Kei kung pan tai in Satan awng, na khua ngaisutna Pathian kung pan hong pai hi ngawlin, mihing pianzia sung pan hong pai ahi hi!” ci hi.

John 3:3

Jesus in, “Thumaan hong son khi hi: niivei a suak kik buale, kuama in Pathian Ngam mu thei ngawl tu hi,” ci in zo hi.

John 3:5

Jesus in “Thumaan hong son khi hi. Tui le Thaa taw a suak buale, Pathian Ngam sungah kuama tum thei ngawl tu hi.

Sawltakte 2:39

banghang ziam cile Pathian kamciam sia, no le na tate le, a khualana ah a omte atu in a kivawt hi a, tuaciangin Topa Pathian ii ama kungah a samsa theampo atu ahi hi,” ci hi.

Sawltakte 3:25

Kamsaangte tungtawn a, Pathian kamciamte note atu ahi hi. Pathian le na taanghpupite thuciamna a siimte na hi uh hi. Pathian in Abraham tungah, ‘Na suan, na paalte tungtawnin, leitung mihing theampo thupha ka pia tu hi,’ ci hi.

Romete 11:16

Anluum a kileap masa sia Pathian atu in a kipia le a anluum buppi zongh ama aa ahi hi. Thingzungte Pathian atu in a kipia le a baakte zongh ama aa ahi hi.

Romete 11:28

Jew te in Lungdamna Thupha a nial uh hu in no Gentile te phattuam natu in Pathian ngalte suak uh hi. Ahihang Pathian tealna hangin a pute a pate hu in amate in, Pathian ii lawmte ahi uh hi.

1 Corinth te 14:20

Ka suapuite awng, na khua ngaisutna uh ah, patang bang hi heak vun; siatna lam ah patang bang na hi vun, ahihang khua ngaisutna ah na khanthin vun.

1 Corinth te 7:14

Banghang ziam cile a zi taw a kingawmna hangin thu um ngawl pasal khat sia Pathian in saang thei hi, tuaciang thu um ngawl zi khat sia Tapidaw pasal khat taw a kingawm uh hu in Pathian in saang thei hi. Hi bang hi ngawl hi thong le a tate sia doai biate tanote taw kibang tu uh hi; ahihang tu a bangin, Pathian in tua tate saang thei hi.

Ephesus te 4:26

Na thin uh a uuk le, na thin uukna in, mawna sung thensak heak vun, thin uukna taw na nivui heak vun.

Thuhil kikna 4:37

Na taanghpupite a it manin note hong teal a, a vaangletna taw Egypt ngam pan hong pusuapui hi.

2 Timothy 1:5

Na pi Lois le na nu Eunice te zongh ii a nei bang a na nei thintak upna sia ka phawk hi. Nang zongh tuabang ma in nei tu ni hi ci in kong muang tatak hi.

2 Timothy 3:15

Jesus Christ ih upna tungtawnin ngupna thu sungah hong lampui ciimna hong pia thei Lai Thiangtho sia na no ciang a, na heaksa thu ahi hunlam ciamtee ta'n.

Joshua 8:35

Moses ii thupiakte theampo, numei, patang, ngamdangmi, amate sung a teangte zongh a kihel, a kikhawm buppi tungah Joshua in sim siat hi.

1 Peter 2:2

Nausen suaktuungte bangin a thiangtho thaa noaitui tatak du tawntung tavun, tuabang a na neakna taw in na khangto tu uh a, ngupna na nga tu uh hi.

Thupualaakna 14:5

Amate sia leilot thuson hi ci in kihe ngeingawl hi; amate sitbaanna nei ngawl hi.

1 Samuel 1:11

Hannah in a ciliap huai kamciam khat pia hi: Vaanglianbelpa “Topa awng, na naseamnu hong en ta'n! Ka ngimna hong en ta'n a, hong phawk ta'n! Hong mangil heak in! Tapa khat nong pia le, ama nuntakna buppi nang tungah tuam aap tu in kong kamciam hi, ama in a sam meet ngeingawl tu hi,” ci hi.

1 Samuel 1:22

Ahihang tusia hunin Hannah hong pai bua hi. Ama in a pasal munah, “Nau in noai a ten po ciang a nuntak sung teng a om natu in Topa inn ah ka paipui tu hi,” ci hi.