Mark 10:1 - Syin Chin Bible

¹ Tua zawkciang Jesus in tua mun nusia in, Judea ngam ah pai a, Jordan Ngun kaantan hi. Mihonpite hong kikhawm kik a, a hil ngei tawntung sa bangma in amate hil hi.

Mark 10:1 Iomraidhean Croise

Thuhilsya 12:9

Thuthuk Ngaisunpa sia ciim ahikom ama in a heak thute mihingte tungah hil hi. Ama in paunakte encian a, tuate a maanna sittel hi.

Jeremiah 32:33

Amate in kei hong nungngat uh a, ka hil tawntung hi napi hong ngai nuam ngawlin he nuam ngawl uh hi.

Matthew 26:55

Tua zawkciang mipite tungah Jesus in, “Mihing that taiku bangin hong ngaisun a, namsau le moltawng taw kei man tu in hong kuan na hi uh ziam? Ni simin Biakinn sungah to in hilna ka nei lai in, nong man bua uh hi.

Matthew 4:23

Jesus Galilee ngam bup ah vakin, synagogue te ah hilna nei a, Kumpingam Lungdamna Thu thuhilna nei in, natna satna namcin le ciluang natna a neite damsak hi.

Mark 1:21

Jesus le a nungzuite Capernaum khua hong theng uh a, Sabbath kik ni ciangin, Jesus in Jew te ii synagogue ah pai in hilna nei tu in kipan hi.

Mark 10:2

Phariseete pawlkhat ama kungah hong pai a, ama aitaa tu in hong kipan uh hi. “Ih Thukham in, pasal khat in a zi a khul tu oai ziam hong son ta'n,” ci uh hi.

Mark 12:35

Biakinn sungah hilna a nei laitak Jesus in, “Thukham hil syate in bangbangin Messiah sia David ii suan hi ci thei ziam?

Mark 14:49

Ni simin Biakinn sungah no taw omkhawm in hilna kong nei a nong man bua uh hi. Ahizong Laithiangtho a taangtut kul hi,” ci hi.

Mark 2:13

Jesus Galilee tuili hui ah pai kik hi. Mihon khat ama kungah hong pai hi, tuasia ciangin amate thuhil tu in kipan hi.

Mark 4:2

Ama in thusonteena zanghin, thu tam mama hi bangin hil hi:

Mark 6:2

Sabbath ni in synagogue ah thuhil tu in kipan hi. Tua munah mihing tam mama om hi; tuaciang ama thuson a zaak uh ciang, amate in lamdang sa tek uh hi. “Hite theampo koisung pan ama in nga ziam?” ci uh hi. “Ama tungah a kipia ciimna bang ciimna ziam? Ama in nalamdang laknate bangbangin vawt thei ziam?

Mark 6:34

Jesus in hi mihonpi khat a mu ciang, khuangai huai sa hi, banghang ziam cile amate sia tuucing nei ngawl tuuhonte bang ahi hi. Tua ahikom amate thu tam mama hil tu in kipan hi.

Mark 6:6

Ama in mihingte ii upna a nei ngawl uh sia, lamdang sa mama hi. Tua zawkciangin Jesus in tua mun kiim le paamte ah pai in mihingte hilna nei hi.

John 10:40

Tua zawkciang Jesus in, Jordan ngun kaantan in John ii tuiphumna munah pai kik a, tua munah taam hi.

John 11:7

Tua zawkciang a nungzuite munah, “Judea ngam ah pai kik tawng,” ci hi.

John 18:20

“Mihingte mai ah ka sonsa hi; ka hilcianna theampo sia mihing theampo hong paina mun synagogue te le Biakinnpi sungah kivawt hi. A thimtham in bangma ka son ngei bua hi.