Mark 1:5 - Syin Chin Bible

⁵ Judea ngam pan le Jerusalem khua panin John thuson ngai tu in mihing tam mama hong pai uh hi. Amate in a mawnate pualaak uh a, tua zawkciang Jordan Ngun sungah, ama in tuiphum hi.

Mark 1:5 Iomraidhean Croise

Psalm Late 32:5

Tuasia ciangin nang tungah ka mawnate kong pualaak a, ka tatkhialnate ka seal bua hi. Tuate nang tungah pualaak tu in ka khensat hi, tuaciang nangma in ka mawnate theampo nong maisak hi.

Paunakte 28:13

Na mawnate seal tu na hanciam le nuntak sungin zawna na nga ngei buatu hi. Mawna pualaak vun a, nusia vun; tuasia ciang Pathian in na tungah hesuakna hong lak tu hi.

Matthew 4:25

Galilee ngam khuapi sawmte le Jerusalem, Judea le Jordan ngunngal panin, mihonte in zui uh hi.

Mark 1:4

Tuabangin John sia sennealngam sungah hong kilak a, ama in thuhil in tuiphum hi. “Na mawna pan kisiik kik vun a, tui kiphum vun, tua hile Pathian in na mawnate hong maisak tu hi,” mipite tungah ci hi.

Mark 1:6

John in kalaoh mul taw a kitak puan silh a, savun kawngkhau thua in, a anneak sia khaumaw le ngam khuaitui ahi hi.

John 1:28

Hi thu theampo sia John ii tui a phumna Jordan Ngun ii nisuana sangah a om Bethany khua ah piang hi.

John 3:23

Salim pan a kikhuala ngawlna Aenon ah tui tam ahikom John in tui sungah tuiphumna pia hi. Mihingte in ama zuan uh a, tuaciang ama in, tuiphum hi.

John 5:35

John sia meiinn taw kibang a, kuangin taang hi, tuaciangin tawmvei sung teng ama ii khuavak sia na leaplaw nuam uh hi.

Sawltakte 19:18

Thu um mite sung pan tam mama hong pai a, amate ngamtatnasate mipi mai ah kheet nei ngawlin pualaak uh hi.

Sawltakte 2:38

Na mawnate uh hong kimaisak a, Pathian ii tel, Thaa Thiangtho na saan natu in, note khat sim in, na mawnate pan kikheal nanak vun a, Jesus min taw tui kiphum tavun,

James 5:16

Tua ahikom, na mawna uh sia khat le khat tungah kipualaak vun a, khat le khat thu na kingetsak vun, tua hile hong damsak tu hi. Mipha thumaan thutang khat ii thungetna in vaang nei hi.

Joshua 7:19

Joshua in ama mun ah, “Ka tapa awng Topa Israel te ii Pathian mai, hi sungah thumaan son in a pualaak in. Tu in na vawt teng hong son ta'n. Kei kung panin phualseal tu hanciam heak in,” ci hi.