Mark 1:4 - Syin Chin Bible

⁴ Tuabangin John sia sennealngam sungah hong kilak a, ama in thuhil in tuiphum hi. “Na mawna pan kisiik kik vun a, tui kiphum vun, tua hile Pathian in na mawnate hong maisak tu hi,” mipite tungah ci hi.

Mark 1:4 Iomraidhean Croise

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Matthew 3:6

Amate in a mawna uh pualaak a, tuaciangin Jordan ngun sungah ama in tuiphum hi.

Mark 1:5

Judea ngam pan le Jerusalem khua panin John thuson ngai tu in mihing tam mama hong pai uh hi. Amate in a mawnate pualaak uh a, tua zawkciang Jordan Ngun sungah, ama in tuiphum hi.

Luke 1:77

Ama mihingte tungah mawna kimaisakna taw ngupna piang tu hi, ci in na son tu hi.

John 3:23

Salim pan a kikhuala ngawlna Aenon ah tui tam ahikom John in tui sungah tuiphumna pia hi. Mihingte in ama zuan uh a, tuaciang ama in, tuiphum hi.

Sawltakte 10:37

Tuiphumpa John in tui kiphumna thu a hil zawkciang Galilee ngam pan Israel ngam bup sungah thu lian a piang sia, na heak uh hi.

Sawltakte 22:16

Tu in banghang ngangak lai ni ziam? Tho in a, tui kiphumin, ama tung thungetna taw, na mawnate, kisilthiangsak in,’ hong ci hi.