Mark 1:27 - Syin Chin Bible

²⁷ Mihingte theampo in lamdang mama sa uh a, “Bangbang thu hi thong ziam? Tu a sia kihilna thak khat ahi ziam? Hisia pa in doaite tungah thunei a, thu a piak ciangin doai in a thu ni hi!” ci in khat le khat kikum uh hi.

Mark 1:27 Iomraidhean Croise

Matthew 15:31

A pau thei ngawlte pau thei a, a koncipte dam in, peangbaite lampai thei a, mittawte in khua a mu thei uh ciang, tua munah mihingte in, lamdang sa in Israel te ii Pathian minthang pok uh hi.

Matthew 8:9

“Keima mama zongh uliante khutnuai ah om a, keima khutnuai a ngalkapte om hi. Khat tungah, ‘Pai in’ ci leng pai a, ‘hong pai tan’ ci leng hong pai hi. Ka salpa munah hi sia seam in ci leng seam hi,” ci hi.

Matthew 9:33

Ahihang a doai a kinawkeak zawk po ciangin ama hong pau paih a, a om theampo in lamdang sa uh hi. “Hi bang peuma Israel ngam sungah mu ngei bua hing!” ci uh hi.

Mark 1:26

Doai in pasalpa thing zazaan a, a nging in a cik-au zawkciang pasalpa sung pan pusuak hi.

Mark 1:28

Tuabangin Jesus huvau thupiangte Galilee ngam mun theampo ah manlang takin kizel hi.

Mark 10:24

Nungzuite in hi kammalte lamdang mama sa uh hi, ahihang Jesus in, “Ka tate awng, Pathian Ngam sungah tum tu, bangza in haksa ziam!

Mark 10:32

Jesus le a nungzuite Jerusalem zuanin pai uh hi. Jesus in a patau a nungzuite mai ah paikhol hi; a nung pan a zui mihingte zongh lau uh hi. Khatvei ma Jesus in a nungzui sawm le niite sam tuam a, ama tungah a piang tu thute son hi.

Mark 16:5

Tuabangin amate thaan sungah tum uh hi, tua munah tangval khangmoi khat a ziatsang ah to in a na om a, puantual kaang khat silh hi, tuaciangin amate lau mama uh hi.

Mark 16:6

“Lau heak vun. Thinglamtee tungah a kithat Nazareth mi Jesus, zong na hi uh kong he hi. Ama hi sungah om ngawl a — tho kik zo hi! En vun, ama kisialna mun hi sung ahi hi.

Mark 7:37

A za theampo in lamdang sa mama uh hi. “Na theampo bangza in vawt thiam ziam! Ama in nangongte ngawngawn khua zasak thei a, a pau thei ngawlte dongin pausak thei hi,” ci uh hi.

Luke 4:36

Mihing theampo in lamdang sa uh a, khat le khat hi bangin kici uh hi. “Tu a kammalte bangbang kammal ziam? Thuneina le vaangletna taw hisia pa in, thaa ngilote thupia a, tuaciang amate pusuak hi!” ci uh hi.

Luke 9:1

Jesus in a nungzui sawm le niite sam a doai naw natu le ciinate damsak natu in, vaangletna le thuneina pia hi.

Sawltakte 17:19

Tua ahikom amate in Paul sia Areopagus kici Athen te ii council kikhopna munah paipui a, hi bangin ci uh hi, “Hi hilna thak na sawson sia, he nuam khu hi.