Mark 1:21 - Syin Chin Bible

²¹ Jesus le a nungzuite Capernaum khua hong theng uh a, Sabbath kik ni ciangin, Jesus in Jew te ii synagogue ah pai in hilna nei tu in kipan hi.

Mark 1:21 Iomraidhean Croise

Matthew 4:13

Ama Nazareth khua ah taam ngawlin, Zebulun le Naphtali ngamsung Galilee tuili hui khuapi Capernaum ah teang tu in pai hi.

Matthew 4:23

Jesus Galilee ngam bup ah vakin, synagogue te ah hilna nei a, Kumpingam Lungdamna Thu thuhilna nei in, natna satna namcin le ciluang natna a neite damsak hi.

Mark 1:20

Jesus in a mu po ciangin sam hi; amate in a pa uh Zebedee le a cial sa naseamte ngunkuang sungah nusia in Jesus zui uh hi.

Mark 1:29

Jesus in a nungzuite taw synagogue nusia in Simon le Andrew te inn ah paisuak uh hi. Nungzui James le John zongh kihel hi.

Mark 1:33

Khuapi sung pan mihing theampo inn mai ah kikhawm uh hi.

Mark 1:39

Tua hi a, ama in Galilee ngam bup synagogue te ah thuhil in doaite not hi.

Mark 10:1

Tua zawkciang Jesus in tua mun nusia in, Judea ngam ah pai a, Jordan Ngun kaantan hi. Mihonpite hong kikhawm kik a, a hil ngei tawntung sa bangma in amate hil hi.

Mark 2:1

Ni tam kihal ngawlin Jesus Capernaum khua ah pai kik hi, tuaciang ama inn ah om hi, ci in kiza hi.

Mark 3:1

Tua zawkciang Jesus in Jew te synagogue ah pai a, tua munah khut langkhatzaw pasal khat om hi.

Mark 6:2

Sabbath ni in synagogue ah thuhil tu in kipan hi. Tua munah mihing tam mama om hi; tuaciang ama thuson a zaak uh ciang, amate in lamdang sa tek uh hi. “Hite theampo koisung pan ama in nga ziam?” ci uh hi. “Ama tungah a kipia ciimna bang ciimna ziam? Ama in nalamdang laknate bangbangin vawt thei ziam?

Luke 10:15

Capernaum awng! Nang na hile nangma le nangma vantung ah kilaamto nuam ni ziam? Hell sungah hong kisepsuk tu hi!” ci hi.

Luke 13:10

Sabbath ni khat Jesus in synagogue khat ah thuhilna nei hi.

Luke 4:16

Tuaciang in Jesus Nazareth khua ama khanna munah cia kik a, Sabbath ni in synagogue ah a pai ngei bangin pai hi. Ama dingin Laithiangtho sim tu in kithoai a,

Luke 4:23

Amate munah, “ ‘Syavuan pa awng, nangma le nangma kidamsak phot in,’ ci paunak sia kei tungah hong zangh tu ci in kong up nginge ma ahi hi. Tua bek dom ngawlin, Capernaum khua ah a kivawt na zaak uhte hi lai ka khua zongh ah vawtin hong sawl lai tu nu hi.

Sawltakte 17:2

Ama ii hun a zak ngei tawntung bangma in, Paul in tua synagogue ah pai hi. Tua munah Sabbath ni thum sung Laithiangtho sisanh in, mipite taw thu kikum a,

Sawltakte 18:4

Ama in Jew te le Greek te a telsak thei natu in, Sabbath ni simin synagogue ah thu kikum khawm uh hi.