Luke 9:7 - Syin Chin Bible

⁷ Galilee ngamukpa Herod in, thupiang theampo a zaak ciangin, a lungmang mama hi, banghang ziam cile mihing pawlkhat in, tuiphumpa John hong nungta kik hi ci uh hi.

Luke 9:7 Iomraidhean Croise

Psalm Late 73:19

Amate thakhat thu in kisusia in, a kiitakhuai sungah bocip uh hi.

Isaiah 22:5

Hi hun sia Mukholna Kuam sungah a liinglawng patauna, ngallelna le ahi biaibuai a pian hun hi a, tuate sia Vaanglianbelpa Topa Vaanglianpipa in ei tungah hong thengsak hi. Ih khuapi uumna luphungte kisaattham zo a, huna ngenin auna awte mualte kawm ah hawl hi.

Micah 7:4

Amate sung pan a phabelte le a thumaan belte ngawngawn lopate bangin mannung ngawl uh hi. Pathian in amate a encik kamsaangte tungtawnin amate a kidop natu a hil khol bangin ama in tua mite daan a piak tu ni hong theng zo hi. Tu in amate lungmang uh hi.

Matthew 11:2

Tuiphumpa John in a thongtaakna mun panin, Christ nasepnate a zaak ciangin, a nungzuite pawlkhat kamtai in ama kungah paisak hi.

Mark 8:28

“Pawlkhat in Tuiphumpa John hi hong ci hi, a dangte in Elijah hi hong ci a, kamsaang sung pan khat hi hong ci zongh om hi,” ci in zo kik uh hi.

Luke 13:31

Tua laitak ma in Phariseete pawlkhat, Jesus kungah hong pai a, “Hi sung panin pusuak in, leidang mun khat zuan ta'n, banghang ziam cile Herod in nang hong that nuam hi,” ci hi.

Luke 21:25

“Ni le tha le aksite tungah nalamdangte piang tu hi. Leitung ngam bupte sungah thin lalna om tu a, tuipi tuihawkte le tui kihualte kiita tu uh hi.

Luke 23:7

Ama in Jesus sia Herod ii ukna ngammi khat hi, ci in a tel ciang Jerusalem ah tua hun laitak hong om Herod kungah puak hi.

Luke 3:1

A hun sia Kumpilianpa Tiberius ii a maan zawk kum sawm le kum nga a cin hun hi a; Pontius Pilate sia Judea ngamuk mangpa hi in, Herod sia Galilee ngamukpa hi a, a suapuipa Philip sia Iturea ngamkhen le Trachonitis ngamukpa hi; Lysanias sia Abilene ngamukpa hi,

Luke 9:19

“Pawlkhat in Tuiphumpa John hi hong ci hi. A dangte in Elijah hi hong ci om a, aheap in taanghlai a kamsaangte khat hong nungta kik hi vak hong ci uh hi,” ci in zo hi.