Luke 9:51 - Syin Chin Bible

⁵¹ Jesus vantung ah a kilaak tu a nai ciangin, a thin hong khensat a, Jerusalem khua sang manaw in pai hi.

Luke 9:51 Iomraidhean Croise

2 Kumpite 2:11

Amate lam a pai kawmin thu son uh hi; tuaciang thakhat thu in meikuang siphute ii kai meikuang siphu ngalleang khat amate nii kilaklaw ah hong pai a, Elijah sia vantung ah suumpei in kaato pui hi.

Mark 16:19

Topa in amate taw thu a son zawkciang, ama sia vantung ah kila to in Pathianziatsang ah to hi.

Luke 12:50

Kibaptize na ka nga tu khat om a, tuasia a kimanthiang mateng in bangza in ka thin patau ziam!

Luke 13:22

Jesus in khuapi le khuanote kaantan kawmin, hilna nei a Jerusalem sang zuan hi.

Luke 17:11

Jesus in Samaria le Galilee ngamngi tawn in Jerusalem ah pai hi.

Luke 18:31

Jesus in a nungzui sawm le niite sam tuam a, amate tungah, “Ngai vun. Mihing Tapa huvau kamsaangte ii at theampo a taangtun natu mun Jerusalem ah ih pai tu hi.

Luke 19:11

Mipite in hi thu ngai in a om laitakin, Jesus in thusonteena khat son thua hi. Ama tua laitakin, Jerusalem theng dektak zo ahikom mipite in Pathian Ngam hong kilangh pal tu hi vak ci in muangmaw uh hi.

Luke 19:28

Jesus in hi teng ci in Jerusalem zuan tu in amate mai ah pai hi.

Luke 24:51

Thupha a piak laitakin, ama sia amate taw kikhen a, vantung ah kila to hi.

Luke 9:57

Lampi ah a pai laitakin, mihing khat in Jesus tungah, “Na paina theampo ah kong zui tu hi,” ci hi.

John 13:1

Tu in Paisan Poai vawt tu ni khat samh lai hi. Jesus in leitung nusia in, Pa kung a pai natu hun hong thet sia he hi. ama ii neisa leitung mihingte it tawntung a, a tawp dongin it hi.

John 16:28

Pa kung panin kong pai takpi a, leitung ah kong pai zo hi; tu in leitung nusia in, Pa kungah ka pai tu hi,” ci hi.

John 16:5

Ahihang tu in hong sawlpa kung zuan tu khi hi, tua hi napi kuama in ka pai natu mun nong dongh bua uh hi.

John 17:11

Tu in kei nangma kung kong zuan hi; leitung ah kei ka om nawn bua a, ahihang amate leitung ah om hi. A Thiangtho Pa awng! Nang le kei khat ih hi bangma in, amate pumkhat ahithei natu in, nong piaksa min ahi na min vaanglian taw amate keamcing ta in.

John 6:62

“Tua le, sonteena, Mihing Tapa sia ama om maksakna munah a paito kik mu le uhte bang na ci tu uh ziam?

Sawltakte 1:2

ama vantung ah a kilaakto ni dong, huam hi. A kilaak to ma in, sawltak tu a tealte tungah Thaa Thiangtho vaang taw thupiakna nei hi.

Sawltakte 1:9

Hi teng a ci zawkciang, amate mu tangin, van ah ama kilato a, meeikaai in lia hi.

Ephesus te 1:20

Christ sia thina pan thosak a, vantung ama ii tokhum ziatsang ah a tosak sia ma ahi hi.

Philippi te 3:14

Tua ahikom Jesus Christ tungtawnin tungsang nuntak natu Pathian hong sapna ahi, tel a nga zo tu in tang takin mungtupna sangah ka tai hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

Hebrew te 12:2

A kipatna pan a tawp dong upna a piangsak pa, a kicingsakpa Jesus mitsuan tawng. Ama sia thinglamtee hangin thinkiam ngawl hi! Ama a ngak nginge lungdamna hangin, thinglamtee tungah maizum thina sia pha maw sa ngawl zaw a, tu in Pathian tokhum ziatsang ah to hi.

Hebrew te 6:20

Ei taangin, Jesus in eite mai tua munah paikhol zo hi. Tuaciang, Melchizedek thiampi sia taw a kinguizui, a tawntung atu in, thiampi lianbel hong suak hi.

1 Peter 3:22

ama, vantung ah pai zo a, Pathian ii ziatsang ah om in, vantunglalangte, vantung thuneite le vaang neite theampo uk siat hi.