Luke 9:48 - Syin Chin Bible

⁴⁸ “Mihing khat pawpo in, hi patangno sia ka min taw a saang le keima hong saang ahi hi; tuaciang kei hong saang sia in kei hong sawlpa saang ahi hi. Banghang ziam cile, no sungah a nobel sia in, a lianbel ahi hi,” ci hi.

Luke 9:48 Iomraidhean Croise

Paunakte 18:12

A kiniamkhiak ngawlte kuama in a zakta bua hi; mihing a kisatheite sia lalna lampi zuan ahi hi.

Matthew 18:10

“Hi patang khat po na zawnsak ngawl natu in, na kidawm vun. Amate ii vantunglalangte sia ka Pa omna munah om tek nginge hi, ci in hong son ka hi hi.

Matthew 18:14

Tuabang ma in vantung a na Pa in, hi patangte khat po a bo tu sia a oai bua hi.

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

Matthew 25:40

Kumpipa in, ‘A maan tak ka ci ciang, hi ka suapuite a nobel khat tungah na vawt uh sia kei tung a hong vawt na hi uh hi!’ ci in zo tu hi.

Matthew 25:45

Kumpipa in, ‘Kei kong cina pan, hi lai ah mihing thupi ngawlbelte khat na hu nop ngawl uh ciang, keima hong hu nuam ngawl na hi uh hi.’

Mark 9:37

“A kuama po ka min taw hi patangte khat a saang sia in kei hong saang ahi hi; tuaciangin a kuama po kei hong saang sia in kei bek hong saang ngawlin kei hong sawlpa zongh a saang ahi hi”

Luke 10:16

Jesus in a nungzuite munah, “No thuson hong ngaite in, kei thu hong ngai ahi hi. No hong nial peuma in, kei hong nial ahi hi,” ci hi.

Luke 14:11

Banghang ziam cile ama le ama a kiliansakte kiniamsak tu a, ama le ama a kiniamkhiak te kiliansak tu hi.”

Luke 22:26

Ahihang no sia tuabang na hi buatu uh hi; bangbang hi zaw tu nu ziam cile, a lianbel sia in a nobel bangin na om tu uh a, a lampui sia in naseam bangin na om tu uh hi.

Luke 22:30

ka ngamsung ka sabuai ah no sia kei taw anne tuidawn khawm in, na om tu uh a, kumpi tokhum tungah to in, Israel minam sawm le niite na uk tu uh hi.

Luke 7:28

Jesus in, “A tatakin ka ci ciang John sia mihing a, a minpiang khat pawpo sangin, lianzaw hi. Ahihang Pathian Ngam sungah a nobel pa in, John sangin lianzaw hi,” ci in belap hi.

John 13:20

A tatakin kong ci hi: ka sawlpa a saang pawpo in, kei zongh hong saang ahi hi; kei hong saang pawpo in kei hong sawlpa a saang ahi hi,” ci hi.

John 14:21

“A kuama po ka thupiakte saangin, thu a nite sia kei hong it ahi hi. Ka Pa in kei hong it pawpo a it tu hi; kei zongh in ama ka it tu a, ama tungah keima le keima ka kilaak tu hi,” ci hi.

1 Thessalonica te 4:8

Tua ahikom, hi kihilna a nial pawpo sia mihing nial ahi bua a, a Thaa Thiangtho no tungah hong pia Pathian nial ahi hi.

1 Peter 5:6

Pathian ii thahatna khutnuai ah kiniamkhiak vun, tua hile ama ii hunpha hong tun ciangin ama in hong laamto tu hi.

Thupualaakna 21:14

Khuapi luphungte sia phungkawng tawdap sawm le nii tungah kiciangto a, tuate ii tungah Tuuno sawltak sawm le niite min ki at hi.

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.