Luke 9:44 - Syin Chin Bible

⁴⁴ “Kong son tu teng na ma ngil heak vun! Mihing Tapa sia mihingte ii vaangletna khut sungah ki aap tu hi,”

Luke 9:44 Iomraidhean Croise

2 Samuel 24:14

David in, “A heehuai mama dinmun ah om khi hi! Ahihang mihingte ii daan hong piak tu uuk ngawl khi hi. Topa khat bek ma ko daan hong pia tu pa hi hen, banghang ziam cile ama sia ngual hesuakna thin nei hi,” ci in zo hi.

Matthew 16:21

Tua hun panin kipan a nungzuite munah Jesus in thiang takin son a, “Jerusalem ah ka pai kul tu a, upate, thiampi liante le Thukham hil syate tung panin, nasia takin thuak tu khi hi. Hong kithatlum tu a, ahihang, ni thum zawkciang, nuntakna sungah hong kiphongto kik tu hi,” ci hi.

Matthew 26:2

“Na heak uh bangma, ni nii zawkciang Paisan Poai hong theng tu a, tuaciang Mihing Tapa sia thinglamtee tungah thalup tu in ki aap tu hi,” ci hi.

Mark 8:31

Tua zawkciang Jesus in a nungzuite hilna nei tu in kipan hi. “Mihing Tapa in nasia takin ngimna thuak tu a, upate, thiampi liante le Thukham hil syate in nial tu uh hi. Ama thatlum tu a, ni thum zawkciang nuntakna sungah tho kik tu hi,” ci hi.

Mark 9:31

banghang ziam cile ama in “Mihing Tapa in ama a thatlum tu mihingte tungah ki aap tu hi. Ahihang ni thum zawkciang nuntakna sungah ama tho kik tu hi,” ci in a nungzuite hil hi.

Luke 1:66

A zate theampo in, “Hi nausen bangbang mi hong suak tu ziam,” ci in ngaisutna le thudokna sia a thinsung tek ah om hi, banghang ziam cile Topa ii vaang ama tungah om hi, ci in thiangtel uh hi.

Luke 18:31

Jesus in a nungzui sawm le niite sam tuam a, amate tungah, “Ngai vun. Mihing Tapa huvau kamsaangte ii at theampo a taangtun natu mun Jerusalem ah ih pai tu hi.

Luke 2:19

Mary in hi thute a vekpi in ciamtee a, thuk takin khuangaisun hi.

Luke 2:51

Tua ahikom Jesus amate taw Nazareth ah heak kik a, tua munah amate thu ni in om hi. A nu in hi thute theampo a thinsung ah keam hi.

Luke 24:44

Tua zawkciang ama in, “Note taw kong om lai a, kong sonsa thu teng veuma ahi hi: kei taw kisai a ki at, Moses thukhamte, kamsaangte lai atte, le Psalm te hong taangtun kul hi,” ci hi.

Luke 9:22

Ama in, “Mihing Tapa in nasia takin thuak tu a, upate, thiampi liante le thukham hil syate in nial tu hi. Ama kithatlum tu hi, ahihang ni thum zawkciangin nuntakna sungah kitho kiksak tu hi,” ci in son lai hi.

John 16:31

Jesus in, “Tu in na um uh ziam?

John 16:4

Ahihang hi bang kong sonna in, amate atu in hite a sep tu hun hong thet ciang kong sonsa teng na phaw thei natu uh ahi hi. “A kipatciil in hite kong son bua hi, banghang ziam cile keima in note taw ka omkhawm hi.

John 19:11

Jesus in, “Pathian hong piak hu bek in, kei tungah thu na nei hi. Tua ahiciang nang tungah kei hong aap pa in, mawna nasia zaw vawt ahi hi,” ci in zo hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Hebrew te 2:1

Tua hu in ei in thumaan thu ih zaak te pan, lam ih pial ngawl natu in ih kholet seseam kul hi.