Luke 9:39 - Syin Chin Bible

³⁹ Doaite khat in au khat sua in, ama man a, ama ii kam pan cilphuan tha in butthi kaikinsak a, tawlnga ngawlin vawtsia a, thasua nuam ngawl hi.

Luke 9:39 Iomraidhean Croise

Mark 9:18

Thaa ngilo ii ama a vawtsiat simin, leiliik in, a kam pan cilphuan tha a, a haci in, a pum buppi tak hi. Na nungzuite munah thaa ngilo hong nawkeaksak natu ka nget hang, amate in a not zo bua uh hi,” ci hi.

Mark 9:20

Amate in patang sia Jesus kungah paipui uh hi. Jesus a mu po ciang thaa ngilo in patang sia kikaikinsak a, lei ah pukin kilumliik a cilphuan tha hi.

Mark 9:26

Thaa ngilo cik-au a, patang sia nasia takin a kikaikinsak zawkciang pusuak hi. Patang sia mithi luang bang hi a, a kuama po in “Ama thi zo hi,” ci uh hi.

Luke 4:35

Jesus in thaa tungah thupia a, “Thim in, pasalpa sung pan pusuak in!” ci hi. Doai in mihingpa sia amate mai ah lei denna in nei a, bangma dang tatsak ngawlin a sung pan pusuak hi.

Luke 8:29

Hi bangin a ci thei sia banghang ziam cile, Jesus in thaa ngilo munah, ama sung pan a pusua natu thupia zo ahihang hi. Tamvei mama thaa ngilo in ama man a, ama thong sungah a khut le a peangte thikkol bulin a kikhum hang, a thikkolte saantat in, sennealngam sungah doai in not hi.

Luke 9:38

Mihon kawm panin mihing khat au a, “Sya awng! kong thuum hi. Tapa khat bek ka nei sia — hong etsak ta'n.

Luke 9:40

Na nungzuite munah hong nawkeaksak natu ka nget hangin, hong naw keaksak thei ngawl hi.”

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

1 Peter 5:8

Pilvang vun a, encik vilvel vun! Na ngalpa Doaimangpa sia a valhlup tu khat po zong a, a hawk tawpi taw kibangin, na kiimkot ah hong vak kawkoai hi.

Thupualaakna 9:11

Amate in a uk kumpipa khat nei uh hi, tuasia pa sia a hawng thukpui a uk vantunglalang hi. Ama ii min sia Hebrew kam in Abaddon hi a, Greek kam in Apollyon hi. (“A Susia pa” a cinopna hi)