Luke 9:29 - Syin Chin Bible

²⁹ Ama thu a nget laitakin, a maitang pianzia hong kikheal a, a puansilhte kaangin tee ziazua hi.

Luke 9:29 Iomraidhean Croise

Isaiah 33:17

A zai mama ngam khat, et hoi takin a uk kumpipa sia khatvei na mu kik tu uh hi.

Isaiah 53:2

Leingum sungah zung a tha thingkung no khat bangin ama ii naseampa a khanto sia Topa deina ahi hi. Ama ih thusim tu in zatakhuaina ahibuale mealhoina nei ngawl hi. Ih thinbot natu ngaibanna bangma nei ngawl hi.

Matthew 17:2

Amate mu tangin meal kikhealna sia Jesus tungah hong piang hi: a maitang sia ni bangin taang a, a puansilhte sia tee velvol hi.

Mark 16:12

Hisia zawkciang, nungzuite nii ngamsung a pai laitakin Jesus sia a nam tuatuamin kilak hi.

Luke 3:21

Mihing a om theampo tui a kiphum zawk uh ciangin, Jesus zongh tui kiphum hi. A thunget laitak van kihong a,

Luke 5:16

Ahihang Jesus a ngamkhingna munte ah thungen tu veu in pai hi.

Luke 6:12

Tua hun laitakin Jesus, mual tungah kaato in, zankhuateak Pathian tungah thungen hi.

Luke 9:18

Ni khat Jesus ama nguak thungenin a om laitak nungzuite ama kungah hong pai uh hi. “Mihonte in kei akua hi hong ci ziam,” ci in dongh hi.

Luke 9:30

Thakhat thu in mihing nii hong theng a, ama taw kipaupui hi. Amate sia Moses le Elijah hi a;

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

Sawltakte 6:15

Council sungah a to te theampo in, Stephen en tek uh a, a maitang sia vantunglalang maitang taw kibangin mu uh hi.

Thupualaakna 20:11

Tuaciangin a lian kumpi tokhum kaang khat le a tungah a to pa ka mu hi. Leitung le vantung sia ama omna panin tai uh a, mu mun om nawn ngawl hi.