Luke 9:26 - Syin Chin Bible

²⁶ Mihing khat in kei le ka hilnate tungtaang ah a mai a zum le, Mihing Tapa in ama ii vaangletna, Pa vaangletna le vantunglalang thiangthote ii vaangletna taw hong pai ciangin tua mipa tungah a maizum tu hi.

Luke 9:26 Iomraidhean Croise

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Daniel 7:10

tua mun panin meikuang a kipee in hong pusuak hi. Ama ii naseam tu in mihing tul tam mama tua munah om a, ama mai ah mihing awn tam mama ding uh hi. Thukhen natu hun kipan a, laibute kihong hi.

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 25:31

“Mihing Tapa sia Kumpi bangin vantunglalangte taw hong pai ciangin, a kumpi tokhum tungah to tu a,

Matthew 26:64

“Nangma ci bang ahi hi. Ahihang na vekpi tungah kong ci hi: tu pan kipan Mihing Tapa sia Vaanglianbelpa ii ziatsang ah to a, van a meeikaai tung pan hong pai na mu tu uh hi!” ci hi.

Mark 8:38

Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.

John 12:43

Amate in, Pathian ii lungkimna sangin, mihingte lungkimna dei zaw uh hi.

John 5:44

No khat le khat kipok tu na thangai uh hi, ahihang khat bek ahi Pathian tung pan pokna nga tu na hanciam bua uh hi; tua ahile bangbangin kei hong um thei tu nu ziam?

Sawltakte 10:22

“Ngalkap bu Cornelius in kote hong sawl hi,” ci hi. “Ama sia Pathian a bia mihing pha khat hi a, Jew te theampo in zakta uh hi. Pathian vantunglalang khat in, ama tungah na son tu thute a zaak thei tu in nang hong sap tu in sawl hi,” ci hi.

Romete 1:16

Lungdamna thupha sungah a kicingin muanna ka nei hi; tua in a umte theampo kingup natu Pathian ii vaangletna hi a Jew mite atu hi photin, tua zawkciang Gentile te atu zongh ahi hi.

2 Corinth te 12:10

Christ atu in thazawmna, kiselnona, haksatna, vawtsiatna le buainate ah ka lung a kim hi. Banghang ziam cile ka thazawm ciangin a thahat ka suak hi.

Galatia te 6:14

Ahizong kei ka hile ih Topa Jesus Christ ii thinglamtee bekma ka kiphatsak pui tu hi; banghang ziam cile ama ii thinglamtee hangin leitung sia kei atu in a thisa hi a, keima in leitung atu in a thisa ka hi hi.

1 Timothy 5:21

Na nasep napo kuama nguptuam paihtuam nei ngawlin kong thupiakte na nit natu in Pathian mai, Christ Jesus mai le a thiangtho vantunglalangte mai ah ciliap huai takin kong sawl hi.

2 Timothy 1:12

tuaciangin hi thu hu in hite ka thuak hi. Ahihang thinmuanna taw ka kidim nginge lai hi, banghang ziam cile ka uppa ka he a, ama in kei hong muang a hong aapsa teng sia tua Ni dong ama in hong kepcingsak thei tu ci in ka he hi.

2 Timothy 2:12

Thuakna ih zom to suak le ama taw ih maangkhawm tu hi. Ama ih nial le, ama zongh in hong nial tu hi.

Hebrew te 11:26

Ama in Messiah hangin huasaakna a thuak tu sia, Egypt ngam ii hauna theampo sangin, kimanh zaw pek sa hi, banghang ziam cile ama in maisang thaman a saan pheang lai tu te mitsuan hi.

Hebrew te 13:13

Tua ahikom, eite zongh ngiaphual puasang, ama kung zuanin a maizumnate thuak pui tawng.

Jude 1:14

Adam suan a khang salina, Enoch in hi bangin, amate huvau sonkhol hi. “Topa sia a vantunglalang thiangtho tul tam mama te taw hong pai tu a,

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!

Thupualaakna 20:11

Tuaciangin a lian kumpi tokhum kaang khat le a tungah a to pa ka mu hi. Leitung le vantung sia ama omna panin tai uh a, mu mun om nawn ngawl hi.

Thupualaakna 21:8

Ahihang a lauthauh, ngual leeheakte, zummawk seamte le ngual thatte, a paktatte, bum le ai toaite, milim biate, le a leilot thei theampo — a om natu sia niivei thina ahi meili le kaan sia ahi hi,” hong ci hi.

Thupualaakna 3:5

Zawna a ngate in hi bang puankaang a silh tu hi, tuaciangin amate min sia a nungtate min khumna laibu sung pan ka phiat buatu hi. Ka Pa le a vantunglalangte mai ah amate sia keima neisa ahi hi, ci in a kilangh takin ka thangsak tu hi.