Luke 9:19 - Syin Chin Bible

¹⁹ “Pawlkhat in Tuiphumpa John hi hong ci hi. A dangte in Elijah hi hong ci om a, aheap in taanghlai a kamsaangte khat hong nungta kik hi vak hong ci uh hi,” ci in zo hi.

Luke 9:19 Iomraidhean Croise

Malachi 4:5

“Ahihang a lauhuai le a lian Topa ni hong thet ma in kamsaangpa Elijah kong paisak tu hi.

Matthew 14:2

A uliante munah, “Ama sia Tuiphumpa John hong nungta kik hi nanak tu hi, ci hi. Tua hu in, nalamdang lakna vawt theina vaang nei hi tu hi,” ci hi.

Matthew 3:1

Tua hun laitakin Tuiphumpa John sia Judea sennealngam ah hong pai a, thuhil kipan hi.

Mark 6:14

Tu in Herod Kumpipa in hi thute theampo za hi, banghang ziam cile, Jesus ii minthanna mun theampo ah kizel hi. Mihing pawlkhat in, “Tuiphumpa John nungta kik hi! Tua hu in ama in nalamdang vawt thei natu, vaang nei hi,” ci uh hi.

Mark 6:15

A dangte in, “Ama Elijah hi,” ci uh hi. Ahihang a dangte in “Ama taanghlai kamsaangte bangin kamsaang khat hi,” ci uh hi.

Luke 9:18

Ni khat Jesus ama nguak thungenin a om laitak nungzuite ama kungah hong pai uh hi. “Mihonte in kei akua hi hong ci ziam,” ci in dongh hi.

Luke 9:20

“Note in kei akua hi nong ci uh ziam?” ci in dongh hi. Peter in zo a, “Nang sia Pathian ii Messiah ni hi,” ci hi.

John 1:21

“Tua ahile akua ni ziam? Elijah ni ziam?” ci in dongh uh hi. “Hi ngawl khi hi,” ci in John in zo hi. “Kamsaangpa ni ziam?” ci in dongh uh hi. “Hi ngawl khi hi,” ci in ama in zo kik hi.

John 1:25

John munah, “Nang Messiah le hi ngawl, Elijah le hi ngawl, Kamsaangpa le hi ngawl na hile, banghangin tuiphum ni ziam,” ci in dongh uh hi.

John 7:40

Mihon sung pan, mihing pawlkhat in, hi thu a son za a, “Hisia pa in Kamsaang tatak sia hi!” ci uh hi.

John 9:17

Tua ahikom, Phariseete in pasalpa khatvei ma dongh kik uh hi. “Ama in na khuamu ngawlna pan hong damsak hi, ci ni hi — ama huvau bangbangin na ngaisun ziam?” “Ama kamsaang khat hi,” ci in pasalpa in zo kik hi.