Luke 9:11 - Syin Chin Bible

¹¹ Mihonte in tua thu a zaak uh ciangin, ama zui uh hi. Ama in tua mite pha takin saang a, Pathian Ngam thuhil in, a kisamh te damsak hi.

Luke 9:11 Iomraidhean Croise

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Matthew 12:15

Jesus in ama a kithasawmna thu a zaak ciangin, tua mun panin ama mundang zuan a, mihon tam mama in zui uh hi. Ama in ciina theampo damsak hi.

Matthew 14:14

Jesus in a ngunkuang tung pan tuak a, mihonpite a mu ciangin, tua mite hesuakhuai sa in ciinate damsak hi.

Matthew 21:31

Tapate nii sung pan akua in a pa thu ni zaw ziam?” ci hi. “A tapa lianzaw sia in ni zaw hi” ci uh hi. Tuaciang Jesus in amate tungah, “Kei kong ci in ah: Shiadongte le numei paktatte in Pathian Ukna ngam sungah note sangin theng masa zaw tu hi.

Matthew 21:43

“Tua ahikom kong ci hi, Pathian Ngam sia no kung pan in, kila tu a, nga pha a piangsak mihingte tungah kipia tu hi.

Luke 1:53

A ngilkialte neakpha taw vaak a, a haute khut hawm nguak taw taisak hi.

Luke 5:31

Jesus in, “Mihing ciidamte in syavuan a kitaangsamh bua hi, ciinate bek in kitaangsamh uh hi.

Luke 8:1

Tua zawk tawmvei zawkciang, Jesus sia khuapi le khuanote ah, khualhaw in Pathian Ngam huvau Lungdamna Thupha hil hi. Nungzui sawm le niite in zui a,

Luke 8:10

ama ii a zo kikna pan, “Pathian ngam thu thuthukte heakna no tungah hong kipia zo hi. Ahizong ngualdang a tu in, sonteena taw kipia hi, amate in en napi in a mu thei ngawl, ngai napi in a tel thei ngawl natu in kivawt hi.

Luke 9:10

Sawltakte hong cia kik uh a, amate sep sa theampo Jesus tungah ko uh hi. Ama in amate paipui in, Bethsaida a kici khuapi zuan uh hi.

Luke 9:12

Nitum kuan ciangin, nungzuite sawm le nii ama kungah hong pai a, “Mipite khuano sungah ahizong, lo sungah ahizong, an le ngiabuk zong tu in paisak in, banghang ziam cile hi lai mun sia a tongta mama mun khat ahi hi,” ci uh hi.

Luke 9:2

Tua zawkciang Pathian Ngam thuhil tu le ciinate damsak tu in amate paisak hi.

John 4:34

Jesus in, “Kei ii an sia, kei hong sawlpa ii deina ka zui tu le hong piak nasep ka zaw tu ahi hi.

John 6:37

Ka pa hong piak mihing theampo kei kungah hong pai tu hi. Kei kung hong zuan peuma ka nial ngei buatu hi,

Sawltakte 28:31

Ama in hangsan tak le suakta takin Pathian Ngam thuhil a, Topa Jesus Christ thu hilcian hi.

Romete 10:14

Ahihang ama a um bua uh le amate in bangbangin huna ngen thei tu ziam? A thupha puak a za bua uh le, amate in bangbangin um thei tu ziam? A thupha a kithangsak buale amate in bangbangin za thei tu ziam?

Romete 10:17

Tua ahikom upna in a thu zaakna pan piang a, a thu zaakna in, Christ ii thuhilna pan piang ahi hi.

Romete 15:3

Banghang ziam cile Christ in ama ii nop a kizui bua hi. Tuabang hi ngawlin, laithiangtho ci bangin, “No hong selnote ii hong selnona sia kei tungah hong tu hi,” a ci bangin ngual atu in nungta hi.

2 Timothy 4:2

ngupna thu sia thuhilna in na nei in, (a hun a lem zong, a lem bua zong) upsak natu, teih natu, hanthot natu in thinsauna taw na thansak natu na vawt hamtang in.

Hebrew te 4:16

Tua ahikom, kimuanna nei in thuthiamna a omna mun Pathian kumpi tokhum kung zuan tek tawng. Tua munah hesuakna ih saang tu a, ih kitaangsap laitak hong hu tu in, thuthiamna ih mu tu hi.