Luke 8:6 - Syin Chin Bible

⁶ Pawlkhat suang tamna munah tu a, a kung hong po tak ciang ngawtaakcip hi, banghang ziam cile, tua mun lei a nol bua hi.

Luke 8:6 Iomraidhean Croise

Jeremiah 5:3

Topa in thumaanna zong takpi hi. Ama in no hong saat hi, ahihang no in phamaw na sa bua uh hi; ama in no hong hualcip hi, ahihang thuhilna na ngai tuan bua uh hi. Na thin uh pui in na mawnate uh panin na kikheal bua uh hi.

Ezekiel 11:19

Thin thak lung thak le ngaisutna thak amate ka pia tu hi. A thinpui suang lungtang ka lakeak tu a, thunit theina thin le lung ka pia tu hi.

Ezekiel 36:26

Lungtang thak le thin thak kong pia tu hi. A thinpui na suang lungtang kong laaksak tu a, thu a ni lungtang kong pia tu hi.

Amos 6:12

Suangte tungah siphute kinuntaw ziam? Mite in khuital taw tuipi tungah lotho ziam? Tua hikasap note in thutang sia nguu na suaksak uh a, a maan sia a khial na suaksak uh hi.

Luke 8:13

Suang tamna munah thaicii a tute sia Pathian thu lungdam takin za a, a saangte hi. Ahizong a thu in thuk bun ngawl hi; tawmvei hunsung teng um phot ahihang, ze etna hong pai ciangin, amate puk uh hi.

Luke 8:5

“Khatvei lai in, pasal khat in thaicii poai tu in kuan hi. Lo sungah thaicii a poai ciangin, thaicii pawlkhat lamzin tungah taak a, tua munah kisiikcip in vacimte in tawm khawng uh hi.

Luke 8:7

Thaicii pawlkhat lingkung sungah tu a, tua lingkung taw khangkhawm in, lingkung in deapcip uh hi.

Hebrew te 3:15

Hisia laithiangtho ii ci ahi hi: “Tuni in Pathian ii aw na za le, na taanghpupite ii Pathian a langpan lai uh bangin na thin uh na sahsak heak vun.”