Luke 8:54 - Syin Chin Bible

⁵⁴ Ahihang Jesus in numeino ii khut pan kaito in, “Ka tano awng, tho in!” ci hi.

Luke 8:54 Iomraidhean Croise

Jeremiah 31:32

Tua thuciamna sia a taanghpupite a khut uh pan kai in Egypt ngam pan ka pusua pui lai a, a taanghpupite taw ka vawt uh thuciamna lui taw kibang ngawl tu hi. Keima sia amate ii a pasal bang hi napi amate in tua thuciamna zui ngawl uh hi.

Matthew 9:25

Ahihang mihonte a kipusuasak siat zawkciang, numeino ii inndoi tuam sungah Jesus tumin a khut a let ciangin, numeino thoto hi.

Mark 1:31

Ama in nupinu kungah pai in a khut pan kaito in thosak hi. A ciisa natna thai a, amate zin do hi.

Mark 8:23

Jesus in mittawpa ii khut pan len a, khua pua sangah paipui hi. Pasalpa mittang ah a cilphii zawkciang Jesus in ama tungah a khut nga a, “Khua na mu thei ziam,” ci in dongh hi.

Mark 9:27

Ahihang Jesus in patang khut pan zamh a, a phokto ciang ama hong ding hi.

Luke 8:51

Tua inn a thet ciangin ama in Peter, John, James le numeino ii nu le pa simngawl a dang teng a sungtan tu a oai bua hi.

Luke 8:53

Amate in Jesus nuisan uh hi, banghang ziam cile numeino thi zo hi ci in he uh hi.

Luke 8:55

Numeino hong nungta kikin, thakhat thu ama hong tho to a, tuaciang Jesus in a neak tu bangkhat po a piak natu in a kiim a om mite sawl hi.

John 11:43

Hi bang teng a ci zawkciang, awnging tatak taw au in, “Lazarus awng, hong pusuak ta'n!” ci hi.

John 5:21

Pa in mithite thosak a, nuntakna a piak bangma Tapa in a piak nopte tungah nuntakna pia hi.

Sawltakte 9:40

Peter in amate theampo inn doituam pua sangah pusuaksak a, khupdin in thungen hi; tuaciang mithi luang maingat in, “Tabitha awng, tho in!” ci hi. Numei in a mit hak a, Peter a mu ciang, hong to hi.

Romete 4:17

Laithiangtho in, “Minam tam mama ii pa kong suaksak zo hi,” a ci bangma ahi hi. Tua ahikom a thisa a nungtasak kik thei, a om ngeingawl laite thupiakna taw a piangsak thei, Abraham ii a up Pathian ii a muna ah tua kamciam sia kip hi.