Luke 8:44 - Syin Chin Bible

⁴⁴ Ama in mihonpite sung, Jesus ii nungsang pan hong pai a, a puanmong tham hi. Thakhatin a chibua sia thai hi.

Luke 8:44 Iomraidhean Croise

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Malachi 4:2

Ahihang kei thu hong ni note tungah kong ngupna vaangletna sia ni bangin hong suak tu a, nizangte bangin damna hong puak tu hi. Ngankhawk khat sung pan a kitha khuinote bangin suakta in lungdam tu nu hi.

Matthew 20:34

Jesus in amate sia khuangai huai sa in, a mitte thamsak a; thakhatin, amate khuamu thei a, amate in ama zui uh hi.

Matthew 8:3

Jesus in a khut zan a, ama thamin, “Hong damsak nuam khi hi, dam ta'n,” ci hi. Thakhat thu in, pasalpa a natna pan dam hi.

Matthew 9:20

Kum sawm le kum nii tawntung chibua natna a vei numei khat Jesus nung pan hong pai a, a puanmong tham hi.

Mark 6:56

Jesus paina po khuapi, khuano le lo sung a om mihingte in ciinate vanhzuakna phual ah paipui uh a, a puanmong beak a tham tek thei natu in, ama tungah ngen uh hi, tuaciang a thamte theampo dam uh hi.

Luke 13:13

A tungah a khut nga a, tuasia ciang thakhat thu in, dingmaam a, Pathian pok hi.

Luke 7:38

Jesus ii nungsang a peang hui ah dingin, kap in a thitui taw Jesus ii peang kawtsak hi. Tua zawkciang a sam taw Jesus peangte nawlin, a peangte namh a, tuate tungah paaknamtui buak hi.

Luke 8:43

Tuate sungah kum sawm le kum nii chibua top numei khat kihel hi; syavuan thapna in a nei a lamh theampo zangh siat zo hi, ahihang kuama in a damsak zo bua hi.

Luke 8:45

Jesus in, “Akua in hong tham nu ziam,” ci hi. Amate in nial tek uh hi. Peter in, “Mipite in na kiimkot panin hong neak tek hi,” ci hi.

John 5:13

Ahihang damsakna a ngapa in, Jesus akua cisia a he bua hi, banghang ziam cile tua munah mihon khat om ahiciang Jesus kiheam hi.

Sawltakte 19:12

Ama zak mai nawlna le awmdap puante ngawngawn ciinate kungah a kipaipui ciangin a natnate dam a, thaa ngilote zongh amate sung pan pusuak uh hi.

Sawltakte 5:15

Sawltakte nasepna hangin, lampite tungah ciinate hong kipua a, Peter hong pai ciang ciinate pawlkhat tungah ama ii limh beak ii a liap thei natu dei in, lupnate tung le phahte tungah sialin lampi hui ah lumsak uh hi.

Thuhil kikna 22:12

“Na puan king li ah zepna teapkaaite koi vun.