Luke 8:43 - Syin Chin Bible

⁴³ Tuate sungah kum sawm le kum nii chibua top numei khat kihel hi; syavuan thapna in a nei a lamh theampo zangh siat zo hi, ahihang kuama in a damsak zo bua hi.

Luke 8:43 Iomraidhean Croise

2 Khangtaanghthu 16:12

Asa ii kumpi a sep a kum 39 kumin a peang ah meima ngilo khatvei in a peang bai hi; ahihang tuasia hun ngawngawn in ama in Topa tungah hu ngen ngawlin syavuante in bawlsak zaw hi.

Job 13:4

Na heak ngawl uh teng leilot thu taw seal nu hi; no sia kuama a damsak zo ngawl syavuante taw kibang nu hi.

Psalm Late 108:12

Ngalte langpanin ko hong hu ta'n; Mihingte kihuna in mannung ngawl hi.

Isaiah 2:22

A thithei mihingte muanin nei nawn heak vun. Amate in bang kimanna nei uh ziam?

Mark 12:44

Banghang ziam cile a dangte in a nei vaal a lamh vaal uh teng khia uh hi, ahihang hi meingongnu in a zawn kawm pan, a nei theampo khia siat hi — a nuntak a kivaak natu a nei sun teng pia siat hi,” ci hi.

Mark 9:18

Thaa ngilo ii ama a vawtsiat simin, leiliik in, a kam pan cilphuan tha a, a haci in, a pum buppi tak hi. Na nungzuite munah thaa ngilo hong nawkeaksak natu ka nget hang, amate in a not zo bua uh hi,” ci hi.

Luke 13:11

Tua munah numei khat thaa ngilo vei in, kum sawm le kum liat a ciina hi. Ama bawngcip in a dingmaam thei bua hi.

Luke 13:16

Tu in hi munah Abraham tanu khat Satan in kum sawm le kum liat kol bulin om hi. Sabbath ni in tua kolkhau panin suut tu in kilawm ngawl ziam?” ci hi.

Luke 8:27

Jesus vaalbo ah a kaa ciangin, tua khua mi doaivei khat in muak hi. Tuasia pa khuangeipi hun sung puansilh ngawlin om a, inn ah om nuam ngawlin thaan hawng sungah teang hi.

Luke 8:42

banghang ziam cile kum sawm le kum nii a pha khat bek a nei a tanu sia thi dektak hi. Jesus taw hong tonkhawm a, a kiimkot panin mihonpite in phultha tek uh hi.

Luke 8:44

Ama in mihonpite sung, Jesus ii nungsang pan hong pai a, a puanmong tham hi. Thakhatin a chibua sia thai hi.

John 9:1

Jesus in lam a papai laitakin, mittaw sa a, a suak, pasal khat mu hi.

John 9:21

Ahihang bangbangin tu in khuamu thei a, akua in damsak ziam ci zongh ka he bua uh hi. Ama dongh vun; a khan haam zo hi, ama ii thu ama in hong zo thei hi!” ci uh hi.

Sawltakte 3:2

Kongpi Hoi kicina munah a khan tawntung peangzaw pasal khat om hi. Biakinnpi ah a pai mite ii tung pan sum ngen tu in ama sia nisimin tua kongpi hui ah puakin kikoi hi.

Sawltakte 4:22

Hi nalamdang lakna ahi a kidamsak pa sia kum sawmli vaal pha zo hi.