Luke 8:42 - Syin Chin Bible

⁴² banghang ziam cile kum sawm le kum nii a pha khat bek a nei a tanu sia thi dektak hi. Jesus taw hong tonkhawm a, a kiimkot panin mihonpite in phultha tek uh hi.

Luke 8:42 Iomraidhean Croise

Job 4:20

Mihing khat sia zingsang in nungta tha tu a, ahihang nitak hun a thet ma in kuama heak ngawlin thi hi.

Thuhilsya 6:12

Limh khat bangin a papai nuntakna sia a luithawthong ama nuntakna hi a, a tom a nuntak sungah mihing atu a phabel sia akua in he thei tu ziam? Bangbangin mihing khat in a thi zawkciang leitung ah bang thu piang tu cisia he thei tu ziam?

Ezekiel 24:16

Ama in, “A thithei mihing awng, mihing na itbel khat sia thakhat thu in ka la tu hi. Phun thei ngawl tu, kap thei ngawl tu, thitui zongh taaksak thei ngawl tu ni hi.

Ezekiel 24:25

Topa in, “Tu in a thithei mihing awng, amate kisak thei pui, a lungdamna ahi, a et nop le a haw nop, a kho Biakinnpi sia, ka lakeak tu hi. Tuaciang, a tapate le a tanute ka laaksak tu hi.

Zechariah 12:10

“Keima in David suan le paalte le Jerusalem a teang a dangte sia hesuakna thin le thungetna thin taw ka dimh tu hi. Amate in nam taw a tuplup pa en tu uh a, ta khat bek a nei a thisuate khuangai bangin khuangai tu uh hi. Amate in a tapaciil a khuaite bangin nasia tak khuangai tu uh hi.

Mark 5:24

Tuaciang Jesus in ama taw paikhawm hi. Mihing tam mama Jesus taw tonkhawm ahikom a kiim theampo pan kiphulung uh hi.

Luke 7:12

Khuapi kongpi a thet lian laitakin mihing pawlkhat thaan kuan tu in hong pusuak hi. Mithipa sia meingong khat ii khat bek a nei sun tapa hi a, khua sung panin mihon in meingongnu zui uh hi.

Luke 8:41

Tuasia ciangin Jairus kici mihing khat hong theng hi; ama sia tua munah a om synagogue ulian khat ahi hi. Ama in Jesus peang ah bok a, a inn ah a haw natu in thuum hi,

Luke 8:43

Tuate sungah kum sawm le kum nii chibua top numei khat kihel hi; syavuan thapna in a nei a lamh theampo zangh siat zo hi, ahihang kuama in a damsak zo bua hi.

Luke 8:45

Jesus in, “Akua in hong tham nu ziam,” ci hi. Amate in nial tek uh hi. Peter in, “Mipite in na kiimkot panin hong neak tek hi,” ci hi.

Romete 5:12

Mihing khat tungtawnin mawna leitung ah hong theng a, tuaciang ama mawna in thina hong puak hi. Tua taw kizui in mihing suan theampo tungah thina hong kizel hi. Banghang ziam cile mihing theampo maw zo uh hi.