Luke 8:39 - Syin Chin Bible

³⁹ “Na inn ah cia kik ta'n, Pathian ii nang tungah na hong sepnate son ta'n,” ci hi. Pasalpa zongh in, khua sung kaantan in pai a, Jesus ii ama tungah a nasep teng son hi.

Luke 8:39 Iomraidhean Croise

Psalm Late 66:16

Pathian a patoaite theampo awng, hong pai tavun a ngai vun, tuasia ciang kei atu ama sep theampo kong son tu hi.

Mark 1:45

Ahihang pasalpa pai in mun theampo ah hi thupiang sia son kawkoai hi. Pasalpa in nasia tak son ahikom Jesus sia khuapi khat pawpo ah, mipite ii mutang in, a tum ngam nawn bua hi. A ngamkhingna munte ah ama om a, mihingte in mun theampo panin ama kung zuan uh hi.

Mark 5:18

Jesus ngunkuang tungah kaa tu a kithoai ciangin doaivei ngeipa in “Hong zuisak ta'n,” ci in ngen hi.

Mark 5:19

Ahihang Jesus in a zuisak nuam bua hi. “Na inn ah cia zaw ta'n a, Topa in nang tungah bang hong vawt a, bangza in hong dik ziam ci thu na innkuanpuite munah son ta'n,” ci hi.

Luke 8:38

A sung pan doai a nawkeaksak pa in, “Hong zuisak ta'n,” ci in Jesus munah thuum hi. Ahihang Jesus in heak kiksak a,

Luke 8:40

Jesus sia tuili langkhat ah hong heak kik ciangin mite in muak uh hi, banghang ziam cile amate in ama ngak in om top zo uh hi.

John 4:29

“Keima ngamtat ngei theampo hong son sia pa en tu in hong pai tavun. Ama in Messiah ahi thei tu ziam?” ci hi.

Thuhil kikna 10:21

Ama pok vun — ama na Pathian uh hi a, noma atu a vawt a lian le a lamdang nate na mit mama uh taw mu nu hi.

1 Timothy 5:8

Ahihang khat pawpo in a mealheakte, a tuanin ama innkuanpuite a en nuam bua uh le ama in upna thu a nial suak a, thu um ngawlte sangin sia zaw lai hi.