Luke 8:35 - Syin Chin Bible

³⁵ Mihingte in bang thupiang ziam ci in, en tu in Jesus kungah hong pai uh ciang, ama sung pan, doai a kinawkeaksak sia pa, puansilh sa in, thinciim takin, Jesus peang kungah to hi; tuasia ciangin amate lau siat uh hi.

Luke 8:35 Iomraidhean Croise

Psalm Late 51:10

Pathian awng, ka sungah thin thiangtho hong bitphua ta'n a, a thak le a thumaan thaa hong nguan ta'n.

Isaiah 53:12

Tua ahiciang ama sia milian le a vaanglian mite sungah upatna dinmun kipia tu hi. Ama in lungkim takin a nuntakna pia a, mihing siate thuak bangin thuak hi. Ama in mimaw mikhial tam mamate ii dinmun la a, amate ii mawna khialna a kimaisak natu in thungetsak hi,” ci hi.

Matthew 4:24

Ama thu sia Syria ngam bup ah kizel ahikom mihingte in ama kungah ciina theampo, natna satna le mealhem theampo: doai veite, butthi theite, langngawte, paipui in — Jesus in damsak siat hi.

Mark 5:15

Jesus kungah a thet uh ciangin, doai hon tam mama a vei pasalpa mu uh hi. Tua pa sia tua munah to a, puan silhin thinciim in om hi, tuasia ciang amate theampo lau uh hi.

Luke 10:39

Ama in Mary a kici suapuinumei khat nei a, tua nu in Topa peang kungah to in, ama hilnate ngai hi.

Luke 15:17

A khakbel ciangin khua phawk a, ‘Ka pa inn ah a cial naseamte zongh in, a khawn laak tu dongin an nei a, kei sia hi munah pukthi tu in ka om hi!

Luke 2:46

A ni thum ni ciangin biakinn sungah Jew syate taw tokhawm a thu ngai thu dongh in a om mu uh hi.

Luke 8:27

Jesus vaalbo ah a kaa ciangin, tua khua mi doaivei khat in muak hi. Tuasia pa khuangeipi hun sung puansilh ngawlin om a, inn ah om nuam ngawlin thaan hawng sungah teang hi.

Luke 8:34

Vokcingte in thupiang teng mu ahikom amate tai in, khuapi sung le lote ah a thu thangsak hi.

Sawltakte 22:3

“Kei sia Jew mi khat hi in, Cilicia ngam Tarsus khua ah ka suak a, ahihang hi sung Jerusalem ah, Gamaliel ii sangpatang khat in a khangto ka hi hi. Ih taanghpupite ii nasia takin Thukham kihil nate, ka sin zo hi, tuaciang tuni in hi sungah a om no theampo taw ma kibangin, kei zongh Pathian atu a ki aap mama pa ka hi hi.

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.