Luke 8:32 - Syin Chin Bible

³² Tua taw a kinaina mualpangh ah, vok honkhat an zongin taa uh hi. Doaite in Jesus munah tua vokte sungah a tumsak natu in, ngen uh a, Jesus thukim hi.

Luke 8:32 Iomraidhean Croise

1 Kumpite 22:22

Topa in ‘Bangbangin maw?’ ci in dongh hi. Tua thaa in, ‘Keima pai in Ahab ii kamsaangte theampo leilot thu ka sonsak tu hi!’ ci in zo kik hi. Topa in, ‘Va pai ta'n a, va theam ta'n, theam zo tu ni hi,’ ” ci hi.

Job 1:10

Ama le a innkuan le a neisa theampo nangma in na huuksak tawntung hi. A sep a vawt theampo thupha na pia a, ngam bup dim tu za dongin ngannote na pia hi.

Job 1:12

Topa in Satan tungah, “Pha hi, a neisa theampo nangma khut sungah om hi, ahihang Job pumpi tatak susia ngawl het tu ni hi,” ci hi. Tua ahiciang Satan in paisan hi.

Job 2:6

Tuasia ciang Topa in Satan tungah, “Pha hi, ama na khut sungah om hi, ahihang ama thatlum ngawl tu ni hi,” ci hi.

Psalm Late 62:11

Pathian in vaangletna sia ama aa hi a, ama ii itna sia kip hi ci in a son tamvei ma ka za hi.

Isaiah 65:4

Zanin mithite ii thaate tungah thu dongh tu in suanghawng sung le thaan ah amate pai uh hi. Amate in voksa ne in doai biakpiakna in a nei, sa huanna satuite hawp uh hi.

Isaiah 66:3

Mihingte sia a uuk bang po in ngamta uh hi. Amate in khuital khat ngo in, ahibuale mihing khat that in, biakpiakna in nei a; tuuno, ahibuale ui khat ii ngawng thiaktanin biakpiakna in nei a; antang, ahibuale vokte ii chi pia a; ngimnamtui pia, ahibuale milim khat tungah thu a nget uh sia amate atu in kibang siat hi. Amate in a kiihuai biaknate diksa uh hi.

Thiampite 11:7

Voksa ne heak vun. Tuate a thiang ngawlin ngaisut tu ahi hi; Vok sia a peangcin kaa hikale eakkha thai ngawl hi.

Matthew 7:6

“A thiangtho nate uite na pia heak vun — amate in noma hong pet kik zaw tu hi. Vokte mai ah na suang manphate na lot heak vun — amate in a peang nuai a siikcil lel tu hi.

Luke 8:31

Tua doaite in Jesus munah, a hawng thukpui sungah a puak ngawl natu in thum hi.

Luke 8:33

Amate in pasalpa sung pan pusuak a, vokte sungah tum uh hi. Vok hon bup sia mualpangh liang pan kinuntaw suk a, tuili sungah tuitaa in thi siat hi.

John 19:11

Jesus in, “Pathian hong piak hu bek in, kei tungah thu na nei hi. Tua ahiciang nang tungah kei hong aap pa in, mawna nasia zaw vawt ahi hi,” ci in zo hi.

1 John 4:4

Ahihang ka tate awng, note sia Pathian neisa na hi uh a, kamsaang maan ngawlte na zothal zo uh hi, banghang ziam cile no sungah a om Thaa sia leitung neisa ahite ii sung a om thaa sangin thahat zaw hi.

Thupualaakna 20:7

Kum tulkhat a bo zawkciang, Satan sia a thong pan kitha kik tu a,