Luke 8:31 - Syin Chin Bible

³¹ Tua doaite in Jesus munah, a hawng thukpui sungah a puak ngawl natu in thum hi.

Luke 8:31 Iomraidhean Croise

Job 1:11

Ahihang tu in a neisa theampo nangma in laaksak ci tawng — na maitang pan hong haamsiat tu hi!” ci in zo kik hi.

Job 2:5

Ahihang tu in sonteena in nangma in a pumpi nasak lete — ama in na maitang panin hong haamsiat tu hi!” ci in zo kik hi.

Matthew 25:41

“Tuaciangin a veisang a tote munah, ‘Kei kung pan tai vun, no Pathian ii haamsiat sate awng! Doaimangpa le a lalangte atu a kivawt kholsa tawntung meikuang sungah pai tavun.

Luke 8:28

Ama in Jesus a mu ciangin nasia takin au a, a peang kungah kileiden in, “A saangbel Pathian Tapa Jesus awng! Kei bang hong law nuam ni ziam? Daan nong piak ngawl natu hong thum khi hi,” ci hi.

Luke 8:32

Tua taw a kinaina mualpangh ah, vok honkhat an zongin taa uh hi. Doaite in Jesus munah tua vokte sungah a tumsak natu in, ngen uh a, Jesus thukim hi.

Romete 10:7

“Akua leinuai ah tuaksuk tu ziam?” ci in kidongh heak vun. (Tuasia in Christ thina pan a thawsak kikna, a cinopna hi.)

Thupualaakna 11:7

Amate in a thu vaithak a thansak zawk ciangin, a hawng thukpui sung pan hong pusuak nganhing sia in, amate sim tu hi. Tua nganhing in amate zo in thatlum tu a,

Thupualaakna 17:8

Nganhing sia khatvei lai nungta ngei ahihang tu in nungta nawn ngawl hi; ama sia a hawng thukpui sung panin, hong pusuak to dektak zo a, a kisusia tu in pai tu hi. Leitung bitphua ma in, nuntakna laibu sungah a min uh a kikhum ngawl, leitung ah a nungta mihing theampo in, nganhing sia a et uh ciangin, lamdang sa tu uh hi. Ama sia khatvei lai in nungta ngei hi; tu in nungta nawn ngawl hi, ahihang khatvei hong kilangh kik tu hi.

Thupualaakna 19:20

Nganhing le tua nganhing omna mai ah, nalamdang lakna a vawt leilot kamsaangpa kiman khawm hi. (Nganhing tepteena a neite le, nganhing milim a biate sia, nalamdang laknate taw ama in theam zo hi) Nganhing le leilot kamsaangpa sia, kaan meikuang meili sungah a hingtang in kivawk khawm hi.

Thupualaakna 9:11

Amate in a uk kumpipa khat nei uh hi, tuasia pa sia a hawng thukpui a uk vantunglalang hi. Ama ii min sia Hebrew kam in Abaddon hi a, Greek kam in Apollyon hi. (“A Susia pa” a cinopna hi)